الماتى حايۋاناتتار باعىنداعى ياگۋارلار ەگىز ءتول تاپتى

انا ياگۋار مەن تولدەردىڭ جاعدايى جاقسى.

جاڭا جىل قارساڭىندا الماتىداعى حايۋاناتتار پاركى قۋانىشتى جاڭالىعىمەن ءبولىستى. مەكەمەنىڭ قامقورلىعىنداعى ياگۋارلار جۇبى ەگىز تولدەگەن، دەپ حابارلايدى Almaty-akshamy.kz. 

ۆاسەك پەن مومىن دەپ اتالاتىن ياگۋارلاردان تۋعان تولدەرگە ميكا جانە ءمادي دەگەن اتاۋلار تاڭىلعان. ولاردىڭ ءبىرى - ەركەك، ءبىرى - ۇرعاشى.

«ولار 9 شىلدەدە تۋعان، ءبىراق ءبىز ءقازىر عانا ايتىپ وتىرمىز، ويتكەنى وتە ىرىمشىلمىز جانە تولدەردىڭ ءوسۋىن كۇتتىك. ميكا اكەسىنە ۇقسايدى، تەرىسىنىڭ ءتۇسى قارا، ال ءمادي اناسى سياقتى، تەرىسى تەڭبىل. ءبىراق ميكانىڭ مىنەزى اناسىنا تارتقان، وتە مەيىرىمدى، ال ءمادي اناسىنا ۇقساسا دا، اكەسى ۆاسەك سياقتى شاپشاڭ ءارى بۇزىق»، - دەپ جازدى زووپاركتەن.

مامانداردىڭ مالىمەتىنشە، جالپى، انا ياگۋار مەن تولدەردىڭ جاعدايى جاقسى. كەز كەلگەن ءۇي مارعاۋلارى سياقتى، ءمادي مەن ميكا دا بىر-بىرىمەن نەمەسە اناسىنىڭ قۇيرىعىمەن ويناعاندى ۇناتادى.

بۇل جانۋارلار وڭتۇستىك امەريكانىڭ جىلى ەلدەرىنەن اكەلىنگەن. ولار قىستا «جىرتقىش سۇتقورەكتىلەر» پاۆيلونىندا تۇرادى.

پوسموترەت ەتۋ پۋبليكاسيۋ ۆ Instagram

پۋبليكاسيا وت الماتينسكيي̆ زووپارك (@almatyzoo)