قالدىقتاردى «قۇرعاق» جانە «دىمقىل» دەپ ءبولىپ جيناۋ مىندەتى ەنگىزىلەتىن بولادى.
قالدىقتاردى جيناۋمەن، تاسىمالداۋمەن، قايتا وڭدەۋمەن بايلانىستى ماسەلەلەردى رەتتەۋ ءۇشىن 2023 جىلى الماتىدا قالدىقتاردى باسقارۋ بولىگىندە اباتتاندىرۋدىڭ وزگەرتىلگەن ەرەجەلەرى قابىلدانادى، دەپ حابارلايدى Almaty-akshamy.kz
بۇدان باسقا، قالدىقتاردى باسقارۋ سالاسىندا جۇمىس ىستەيتىن سۋبەكت رەتىندە ق ر بمجت ەسەپكە قويماي مامانداندىرىلماعان ۇيىمداردىڭ قىزمەتىن شەكتەيدى. بۇل وزگەرىستەر «الماتى قالاسىن 2025 جىلعا دەيىن دامىتۋ باعدارلاماسىندا جانە 2030 جىلعا دەيىنگى ورتا مەرزىمدى پەرسپەكتيۆالارىندا» قاراستىرىلعان.
قالدىقتاردى جيناۋ مەن سۇرىپتاۋدى جەتىلدىرۋ ماقساتىندا 2023 جىلى جەرگىلىكتى بيۋدجەت قاراجاتى ەسەبىنەن 250 ملن تەڭگەگە قتق-نى بولەك جيناۋ تالاپتارىنا سايكەس حالىقتان ءىرى گاباريتتى جانە قۇرىلىس قالدىقتارىن ورنالاستىرۋ ءۇشىن اۋلالاردىڭ ىشىندە كەمىندە 12 شارشى مەتر الاڭى بار ارنايى ۋچاسكەلەر ۇيىمداستىرىلاتىن بولادى.
قالدىقتاردى جيناۋ جانە قايتا وڭدەۋمەن اينالىساتىن شوب كاسىپورىندارى ءموبيلدى قوسىمشا، قالالىق قىزمەتتەردەگى بونۋستار، مۇراجايلارعا، تەاترلارعا تەگىن بيلەتتەر ارقىلى تۇرعىنداردى قايتالاما شيكىزاتتى جيناۋعا جانە وڭدەۋگە جىبەرۋگە ىنتالاندىرادى.
2023 جىلى مەملەكەتتىك تاپسىرىس ارقىلى ۇەۇ-نى تارتا وتىرىپ، مەكتەپتەن تىس باعدارلاما بويىنشا ەكولوگيالىق مىنەز-قۇلىققا وقىتۋ ءۇشىن ەكولوگيالىق سەزىنۋدى ارتتىرۋ ماقساتىندا "جاسىل مەكتەپ" جوباسى ىسكە اسىرىلاتىن بولادى. جىل سايىن اتالعان جوباعا جەرگىلىكتى بيۋدجەتتەن 10 ملن تەڭگەدەن بولىنەدى.
2023-2024 جىلدار كەزەڭىندە جەرگىلىكتى بيۋدجەتتەن 9،8 ملرد تەڭگە سوماسىنا قتق – 3500 بىرلىك كونتەينەر جيناۋ ءۇشىن 772 بىرلىك جاڭا جەراستى كپ جاڭعىرتۋ جانە سالۋ جۇرگىزىلەدى.
2025 جىلعا دەيىن قتق جيناۋ جانە ارنايى تەحنيكانىڭ قوزعالۋ كەستەسىن قاداعالاۋ ءۇشىن GPS جۇيەسىمەن جابدىقتالعان بارلىق قوقىس شىعاراتىن ۇيىمداردىڭ ارنايى تەحنيكالارىنا ارنالعان ديسپەچەرلەۋ جۇيەسى ەنگىزىلەتىن بولادى. سونداي-اق، ءىرى جەلىلىك دۇكەندەردە جەكە ينۆەستيسيالار ەسەبىنەن 2025 جىلدىڭ سوڭىنا قاراي سۋسىنداردان جاسالعان قاپتامالار مەن شىنى بوتەلكەلەر مەن بانكالاردى جيناۋعا ارنالعان كونتەينەرلەردى قابىلداۋ بويىنشا 100 ملن تەڭگە سوماسىنا «فاندوماتتار» ورناتىلادى.
قايتالاما شيكىزاتتى جيناۋ پۋنكتتەرىنىڭ جەلىسىن 500 بىرلىكتەن كەڭەيتۋ جوسپارلانۋدا، جىل سايىن 2025 جىلدىڭ سوڭىنا قاراي – 1500 بىرلىك، قايتالاما شيكىزاتتى قابىلداۋ پۋنكتتەرىن - 2025 جىلى 100 بىرلىككە دەيىن، 2030 جىلدىڭ سوڭىنا قاراي 120 بىرلىككە دەيىن)؛ 2023-2025 جىلدار ىشىندە كەمىندە 10 پۋنكت ەكوستانسيالار ورناتىلاتىن بولادى.
3،4 ملرد تەڭگە سوماسىنا قۇرىلىس قالدىقتارىن قايتا وڭدەۋ جونىندەگى كاسىپورىن قۇرىلادى، سونداي – اق 2025 جىلدىڭ سوڭىنا قاراي وندىرىستىك قۇرىلىس قالدىقتارىن جيناۋ ءۇشىن ەكى ارنايى ۋچاسكە، 2030 جىلدىڭ سوڭىنا قاراي تاعى ۇشەۋى ۇيىمداستىرىلادى.