2025 جىلعا قاراي الماتىعا 450 مىڭ شەتەلدىك تۋريستەر كەلەدى دەپ كۇتىلۋدە.
الماتى قالاسىن 2025 جىلعا دەيىن جانە ورتا مەرزىمدى پەرسپەكتيۆالاردى 2030 جىلعا دەيىن دامىتۋ باعدارلاماسىن ىسكە اسىرۋ شەڭبەرىندە، 2030 جىلعا قاراي الماتىدا نومىرلىك قوردى حالىقارالىق ءقوناقۇي جەلىلەرىن تارتۋ جانە وتەلدەر قۇرىلىسىن سالۋ ەسەبىنەن 3 ەسەگە كەڭەيتۋ جوسپارلانىپ وتىر،دەپ حابارلايدى Almaty-akshamy.kz.
بۇگىندە «Tenir Eco Hotel» ەكو-وتەلى، «Qazaq auyl» گلەمپينگى جانە «Medeu Park Hotel» وتەلى ەكىنشى فازاسىنىڭ قۇرىلىسى جۇرگىزىلۋدە. اتالعان جوبالاردىڭ جالپى قۇنى 15،3 ملرد. تەڭگە جەكە ينۆەستيسيانى قۇرايدى.
سونداي-اق، قالادا ءتۋريزمدى دامىتۋ ءۇشىن، جاڭا تارتىمدى ورىندار - 2024 جىلى شامامەن 48 ملرد تەڭگە جەكە ينۆەستيسيا تارتىلا وتىرىپ، زاماناۋي ونەر مۇراجايى قۇرىلادى، 2025 جىلعا دەيىن الاڭى 70 مىڭ شارشى مەتردى قۇرايتىن حالىقارالىق دەڭگەيدەگى ءىس-شارالاردى وتكىزۋگە ارنالاتىن كونگرەسس-ورتالىعىنىڭ جانە 11 مىڭ كورەرمەنگە ارنالاتىن مۋلتيفۋنكسيونالدىق كونسەرت حوللىنىڭ قۇرىلىسى باستالادى.
كولىك ينفراقۇرىلىمىن دامىتۋ ماقساتىندا 2024 جىلى الماتى حالىقارالىق اۋەجايى جاڭا تەرمينالىنىڭ قۇرىلىسى اياتقتالادى دەپ كۇتىلۋدە، بۇل وتكىزۋ قابىلەتتىلىگىن 7 ميلليون ادامنان 14 ميلليون ادامعا دەيىن ارتتىرۋعا مۇمكىندىك بەرەدى. جەكە ينۆەستيسيا كولەمى شامامەن 100 ملرد. تەڭگەنى قۇرايتىن بولادى. قوسىمشا رەتىندە، تۋريستەردىڭ بولجامدى اعىمىن ەسكەرە وتىرىپ، قالانىڭ كوشەلىك-جول جەلىلەرىن جانە اگلومەراسيانى جاڭارتۋ جۇرگىزىلەتىن بولادى، «P+R» («Park and Ride» – «كولىكتى قوي جانە وتە بەر») قاعيداتى بويىنشا تۇراقتاردى توقتاتۋ جۇيەسى ەنگىزىلەتىن بولادى.
2023 جىلى الماتىدا حالىقارالىق دەڭگەيدە 20 ءىس-شارا، 2025 جىلعا قاراي ولاردىڭ سانىن 30-عا دەيىن ارتتىرا وتىرىپ، وتكىزۋ جوسپارلانىپ وتىر. مىسالى، الماتىنى 2025 جىلعا دەيىن گاسترونوميالىق ورنالاسۋ رەتىندە تانىمالدىعىن ارتتىرۋ ماقساتىندا، جەرگىلىكتى مەكەمەلەردى Michelin Guide، The World’s 50 Best Bars ي Asia's 50 Best Restaurants رەيتينگىلەرىنە ەنگىزۋ ماسەلەسى پىسىقتالاتىن بولادى. بۇدان باسقا، كەزەڭ-كەزەڭمەن قايتا قۇرا وتىرىپ جانە "سسكا"-نىڭ تاۋ شاڭعىسى بازاسىن، «شىمبۇلاق» جانە «بۋتاكوۆكا» دەمالىس ورىندارىن كەڭەيتە وتىرىپ، الماتى تاۋ كلاستەرىن قۇرۋ ۇسىنىلىپ وتىر، بۇل شامامەن 150 ملرد. تەڭگە جەكە جانە مەملەكەتتىك ينۆەستيسيالاردى تارتۋدى قاجەت ەتەدى. ناتيجەسىندە، شاڭعى تەبۋگە ارنالعان تراسسانىڭ جالپى ۇزىندىعى 6 ەسەدەن اسا، ياعني 25 كم-دەن 159 كم-گە دەيىن وسەتىن بولادى.
2025 جىلعا قاراي الماتىعا 450 مىڭ شەتەلدىك تۋريستەر كەلەدى دەپ كۇتىلۋدە، بۇل تۋريستىك كورسەتىلەتىن قىزمەتتەر ەكسپورتىنان العاندا، 260 ملرد. تەڭگە تابىس اكەلەدى. ال 2030 جىلعا قاراي كورسەتىلەتىن قىزمەت ەكسپورتى 550 ملرد. تەڭگەگە دەيىن ارتا وتىرىپ، 1 ملن. ادامعا دەيىن وسەدى. "الماتى قالاسىن 2025 جىلعا دەيىن جانە ورتا مەرزىمدى پەرسپەكتيۆالاردى 2030 جىلعا دەيىن دامىتۋ" باعدارلاماسىن جۇيەلى تۇردە ىسكە اسىرۋ ءتۋريزمنىڭ كەلەسى: تاۋ، MICE، وقيعالى، سپورتتىق، گولف، ارت، Wellness جانە ت.ب. باعىتتارى بويىنشا جوعارى قوسىلعان قۇنىمەن تۋريستىك كلاستەر قۇرۋعا مۇمكىندىك بەرەدى.