بۇل تۋرالى «الماتىنى 2025 جىلعا دەيىن دامىتۋ جانە 2030 جىلعا دەيىنگى ورتا مەرزىمدى پەرسپەكتيۆالار» باعدارلاماسىندا ايتىلعان.
الماتى وبلىسىنداعى ەڭبەكشىقازاق اۋدانىنىڭ اقباستاۋ اۋىلىندا 1،1 ملرد تەڭگەگە جاڭا پوليگون، سونداي-اق تالعار اۋدانىنىڭ اۆات اۋىلىندا 725،6 ملن تەڭگەگە جانە قونايەۆ قالاسىندا 522،2 ملن تەڭگەگە كەشەندى قوقىس تيەۋ الاڭدارىن سالۋ جوسپارلانۋدا، دەپ حابارلايدى Almaty-akshamy.kz
ىلە اۋدانىنىڭ قتق پوليگونىندا قالدىقتاردى سۇرىپتاۋ جەلىسىندە بيوگاز الۋ ءۇشىن قۋاتى جىلىنا 120 مىڭ توننا Wasteenergykazakhstan ج ش س قازاقستاندىق-يسپاندىق كومپانياسىمەن بىرلەسىپ، «مەريوليزيس» تەحنولوگياسى بويىنشا تولىق سيكلدى قوقىس وڭدەۋ زاۋىتىن سالۋ جوسپارلانعان. ينۆەستيسيانىڭ جالپى كولەمى-41،8 ملن ەۆرو.
الماتىدا 2025 جىلعا دەيىن بيولوگيالىق ىدىرايتىن قالدىقتاردى جيناۋ جانە قايتا وڭدەۋ ۇيىمداستىرىلادى، سونداي-اق تاماق قالدىقتارىن جيناۋ جانە قايتا وڭدەۋ كەزەڭ-كەزەڭىمەن ەنگىزىلەدى.
Borossa تۇرىك كومپانياسىمەن بىرلەسىپ ەلەكتر ەنەرگياسىن الۋ ارقىلى قالدىقتاردى گازداندىرۋ تەحنولوگياسىن ەنگىزۋ ماسەلەسى قاراستىرىلۋدا.
ينۆەستيسيالاۋدىڭ بولجامدى سوماسى – 30 ملن ەۆرو.
قالدىقتاردى باسقارۋدىڭ بارلىق ۇيەسىنىڭ تيىمدىلىگىن ارتتىرۋ ءۇشىن 2030 جىلدىڭ سوڭىنا قاراي ينۆەستورلاردىڭ 10 ملن ەۆرو قارجىسى ەسەبىنەن RDF (Refuse-derivedfuel) قازبالى وتىندى ءىشىنارا اۋىستىرۋ ماقساتىندا سەمەنت زاۋىتتارى ءۇشىن ەكسپورتتالمايتىن قالدىقتاردان وتىننىڭ بالاما ءتۇرىن ءوندىرۋ زاۋىتىن پايدالانۋعا ەنگىزۋ جوسپارلانۋدا.
بۇل شارالار قالدىقتاردى بولەك جيناۋدى كەزەڭ-كەزەڭىمەن ەنگىزۋ جانە ەكومادەني دەڭگەيىن ارتتىرۋ ەسەبىنەن 2030 جىلعا قاراي قالدىقتاردىڭ پايدا بولۋ كولەمىن 10%-عا دەيىن ازايتۋعا مۇمكىندىك بەرەدى. سونداي-اق قاتقىل تۇرمىستىق قالدىقتاردى قايتا وڭدەۋ 2025 جىلى 32%-عا، RDF ءوندىرىسىن ەسكەرە وتىرىپ، 2030 جىلى 60%-عا جەتەدى. بۇدان باسقا، قتق تاسىمالداۋدى باسقارۋ جونىندەگى ءبىرىڭعاي سەرۆەرلىك ورتالىقتى ەنگىزۋ بارلىق قتق-دى 100% جيناۋ مەن تاسىمالداۋدى ونلاين رەجيمىندە كۇندەلىكتى باقىلاۋدى جۇزەگە اسىرۋعا مۇمكىندىك بەرەدى.
الماتى اگلومەراسياسىندا قالدىقتاردى باسقارۋ جۇيەسى بويىنشا ينتەگراسيالانعان ءوزارا ءىس – قيمىلدىڭ ناتيجەسى رەتىندە اگلومەراسيادا قالدىقتاردى كادەگە جاراتۋدىڭ تولىق سيكلدى ۋتيليزاسيالاۋ ارقىلى قايتالاما شيكىزاتتى قابىلداۋدىڭ ءبىرىڭعاي پۋنكتتەرىنىڭ سانىن 2023 جىلى 60 بىرلىككە دەيىن، 2024 جىلى 80 بىرلىككە دەيىن، 2025 جىلى 100 بىرلىككە دەيىن ۇلعايتۋعا مۇمكىندىك بەرەدى.