شىرىمەيتىن قوقىستى جەرگە كومىپ جاتىر: زاۋىت باسشىلىعىنىڭ زاڭسىز ارەكەتى اشكەرە بولدى

الماتى وبلىسىندا Lay’s قىتىرلاقتارىن شىعاراتىن PepsiCo كومپانياسى زاۋىتىنىڭ قۇرىلىسىندا ىستەيتىن  جۇمىسشىلاردىڭ ءبىرى زاۋىت باسشىلىعىنىڭ زاڭسىز ارەكەتىن جايىپ سالدى، دەپ حابارلايدى aqshamnews.kz

جۇمىسشىنىڭ ايتۋىنشا، «ناك» نۇر استانا قۇرىلىس كومپانياسى» قۇرىلىس قالدىقتارىن جويماي، جەردى قازىپ كومىپ تاستاپ جاتىر.

اۆتور ۆيدەو جاريالاپ، ءوزىنىڭ وسى ارەكەتتى كورسەتكەنى ءۇشىن جۇمىستان قۋىلاتىنىن دا ايتتى. بەينەجازبادا كاماز كولىگى ءارتۇرلى ەرىمەيتىن، شىرىمەيتىن قوقىستى تيەپ اكەلىپ، قازىلعان شۇڭقىرعا توگىپ جاتىر، سودان كەيىن ول جەر تەگىستەلىپ، ەشتەڭە بولماعانداي ءباز باياعى قالپىنا كەلتىرىلەدى.

«زاۋىتتان شىققان قوقىس. پاكەتتەر. ءشىرىپ جەرگە ءسىڭىپ كەتەتىن دە نارسە ەمەس. وسى شۇڭقىرعا اكەپ توگەدى، سوسىن بەتىن تەگىستەپ جاۋىپ تاستايدى. «ناك» نۇر استانا قۇرىلىس» سالىپ جاتقان، «پروراب» ەرجىگىت دەگەن ادام جاساتىپ جاتىر. ءوزى جاماعاتقا سىيلى، جۇماعا بارىپ جۇرگەن ادام. ىنتىماق اۋىلىنداعى جاعداي، قازىرگى الاتاۋ قالاسى. مەنى وسى ءۇشىن جۇمىستان شىعارىپ جىبەرەدى، كەپىلدىك بەرەم، ءبىراق ايتپاسقا بولمادى، جۇرەككە تىنىشتىق جوق. ءوزىڭ جەرىڭدى ءوزىڭ لاستاعانعا كىنالى سەزىنەسىڭ، شارا قولدانساڭىزدار»،- دەدى جۇمىسشى.

Lay’s قىتىرلاقتارىن شىعاراتىن زاۋىتىڭ قۇرىلىسى 2024 جىلى باستالعان، بيىلعى ناۋرىزدا ىسكە قوسۋ جوسپارلانعان.