وڭىرلىك كوممۋنيكاسيالار قىزمەتىنىڭ الاڭىندا قالانىڭ باس ساۋلەتشىسى الماس جانبىرشى وسىلاي دەپ مالىمدەدى.
ونىڭ ايتۋىنشا، الماتىنىڭ باس جوسپارىنا تۇزەتۋ ەنگىزۋ – قالانىڭ ءوسۋ قارقىنى مەن جاڭا سىن-قاتەرلەردى كورسەتەتىن ستراتەگيالىق ماڭىزدى قادام.
«مەملەكەت باسشىسىنىڭ باس جوسپارعا جەدەل وزگەرىس ەنگىزۋ تۋرالى تاپسىرماسى بويىنشا ءبىز قورشاعان ورتانى قورعاۋدى كۇشەيتىپ، قالالىق ورتانى دامىتىپ، ايماقتاردى قايتا ءبولۋ ارقىلى تاۋ بوكتەرىن رەتسىز قۇرىلىستان قورعاۋدى كوزدەيتىن ءبىراز جۇمىس بىتىردىك»، - دەدى ساۋلەتشى.
جاڭارتىلعان باس جوسپار جوباسى بويىنشا قوعامدىق تىڭداۋ بيىلعى جىلدىڭ 24–26 جەلتوقسان كۇنى وتپەك. وتەتىن ۋاقىتى مەن ورنىن قالا تۇرعىندارىنا الدىن الا حابارلاپ ايتادى.
«ءار الماتىلىق ءوز اۋدانىنىڭ قالاي داميتىنىن ءبىلۋى ءۇشىن جوبامەن تانىسا الادى: قاي جەردە مەكتەپ، جول، ەمحانا، ساياباق سالىناتىنىن، سونداي-اق سالىنۋى مۇمكىن قۇرىلىس جونىندە الدىن الا بىلە الادى. بۇل تۇرعىندارعا باسپاناعا قاتىستى شەشىمدەر قابىلداۋعا كومەكتەسەدى. ءار ادام پىكىر بىلدىرە دە الادى، ونى مىندەتتى تۇردە ەسكەرەمىز»، - دەپ اتاپ ءوتتى الماس جانبىرشى.