الماتىدا العاش رەت مەكتەپ جاسىنداعى بالالاردى تۇرعىلىقتى جەرىنەن وقۋ ورنىنا جانە كەرى قاراي تەگىن تاسىمالداۋ ءۇشىن مەكتەپ اۆتوبۋستارىن ۇسىنۋ بويىنشا اۋقىمدى جوبا ەنگىزىلۋدە، دەپ حابارلايدى almaty-akshamy.kz
جوبا باستاۋىش سىنىپ وقۋشىلارىنا جانە مەكتەپتەن الىس تۇراتىن وقۋشىلارعا ارنالعان. وسى ماقساتتا كوممۋنالدىق اۆتوپارك الماتى قالاسىنىڭ ءبىلىم باسقارماسىمەن بىرلەسىپ 100 مەكتەپ اۆتوبۋسىن ساتىپ الدى. بۇل اۆتوبۋستار حالىقارالىق قاۋىپسىزدىك ستاندارتتارىنا جانە تەحنيكالىق تالاپتارعا سايكەس جانە كولىكتەردە مىنالار قاراستىرلعان: اپات كەزىندە شىعۋ، قاۋىپسىزدىك بەلدىكتەرى، مۇمكىندىگى شەكتەۋلى بالالارعا ارنالعان پاندۋس، ءورت قاۋىپسىزدىگى جۇيەسى جانە ت.ب. بالالاردى تاسىمالداۋ ىلەسپە پەداگوگتىڭ قاتىسۋىمەن جانە بالالاردى تاسىمالداۋدىڭ ازىرلەنگەن ەرەجەلەرىنە سايكەس جۇزەگە اسىرىلاتىن بولادى.
بوستاندىق اۋداندىق ءبىلىم ءبولىمىنىڭ باسشىسى ايگۇل قاسىمبەكتىڭ ايتۋىنشا، مەكتەپ اۆتوبۋستارى بويىنشا جاڭا جوبانىڭ باستاماشىسى - الماتى قالاسىنىڭ اكىمى. «ءبىرقاتار مەملەكەتتىك مەكتەپتەر ۇستىمىزدەگى جىلدىڭ 1 قىركۇيەگىنەن باستاپ ىسكە قوسىلاتىن مەكتەپ اۆتوبۋستارىمەن قامتىلاتىن بولادى. 20 جەرگىلىكتى اۆتوبۋستار تار جولدى تاۋلارعا قاتىنايتىن بولادى. مەكتەپتەر ءقازىردىڭ وزىندە باعىتتاردى، بالالاردى وتىرعىزۋ ۋاقىتىن، ايالدامالار سانىن ازىرلەدى. 1 بالاعا ءبىر ورىن بولىنەدى، تۇراقتى ورىن بولمايدى. بالالاردىڭ قاۋىپسىزدىگىنە مەكتەپ قىزمەتكەرلەرى جاۋاپ بەرەدى، ولار بالالاردى ۇيدەن مەكتەپكە، مەكتەپتەن ۇيگە ەرتىپ بارادى»، – دەدى ول.
ەسكە سالساق، قالا اكىمى ەربولات دوسايەۆتىڭ تاپسىرماسى بويىنشا 2022 جىلى «مەكتەپ اۆتوبۋسى» جوباسى العاش رەت №205 مەكتەپتە پيلوتتىق رەجيمدە ىسكە استى.
جوبانى ىسكە اسىرۋ مىناداي ماقساتتاردى قامتاماسىز ەتۋگە ارنالعان:
- وقۋشىلاردىڭ قاۋىپسىزدىك دەڭگەيىن ارتتىرۋ (تاكسيدى ءوز بەتىنشە پايدالانۋدان، اۆتوبۋستا ءوز بەتىمەن جۇرۋدەن باس تارتۋ)؛
- بالالاردى وقۋ ورنىنا دەيىن جەتكىزۋ قاجەتتىلىگى بولىگىندە اتا-انالاردى «ءتۇسىرۋ»؛
- قاربالاس ۋاقىتتا جول قوزعالىسى شيەلەنىسىنىڭ تومەندەۋى.
سونىمەن قاتار، قالالىق اۆتوپاركتەردىڭ جىلجىمالى بىرلىكتەرىن جاڭارتۋ ماقساتىندا الماتىعا قالالىق مارشرۋتتار ءۇشىن گازبەن جۇرەتىن 100 اۆتوبۋس جەتكىزىلدى. بۇلار – ون جانە ون سەگىز مەترلىك اۆتوبۋستار.
الماتىەلەكتروتانس ج ش س پايدالانۋ ءبولىمىنىڭ باستىعى يساحان يمانبەكوۆتىڭ ايتۋىنشا، ون مەترلىك اۆتوبۋستار «تازا» قالانى دامىتۋ تۇجىرىمداماسى اياسىندا ديزەلدى اۆتوبۋستاردى الماستىرادى. «ولار №24، №125 جانە №131 مارشرۋتتاردا قولدانىلادى. ون سەگىز مەترلىك «گارموشكالار» №38، №38ا جانە №37 ماگيسترالدىق مارشرۋتتاردىڭ اۆتوبۋستارىن اۋىستىرادى»، – دەدى ول.
اتالعان اۆتوبۋستار جەلىسىنە شىعۋ حولدينگتىڭ تەحنيكالىق ماماندارى «وڭاي» جابدىعىن مونتاجداۋ جانە قالالىق كولىك بازاسىنا ەنگىزۋ بويىنشا جۇرگىزىلەتىن بولادى.
ايتا كەتەرلىگى، 2023 جىلدىڭ سوڭىنا دەيىن گازبەن جۇرەتىن 500 جاڭا اۆتوبۋس جەتكىزىلەدى دەپ كۇتىلۋدە.
