ۇلتتىق نەيروحيرۋرگيا ورتالىعىنىڭ دارىگەرلەرى نارەستە كەزىنەن ەپيلەپسيامەن اۋىراتىن 25 جاستاعى پاسيەنتتىڭ ميىنا وپەراسيا جاسادى، دەپ حابارلايدى Almaty-akshamy.kz.
«انام 1 جاسىمدا العاشقى قىسقا مەرزىمدى ەپيلەپسيالىق ۇستامانى باستان وتكەرگەنىمدى ايتقان. ۇستاما كەزىندە قاتىپ قالىپ، ەرنىم كوگەرىپ، اۋزىمنىڭ جان جاعى اعارىپ كەتىپتى. التى جاسىمنان باستاپ انتيكونۆۋلسانتتاردى قابىلداي باستادىم. ءبىراق، جىلدار وتە كەلە دارى-دارمەكتەردىڭ اسەرى ازايدى، ۇستامالار جيىلەپ كەتتى، ءبىر كۇندە 3-4 قۇرىسۋ پايدا بولدى. ءار ۇستامادان كەيىن قالپىما كەلۋ ءۇشىن كوپ ۋاقىت قاجەت بولدى. سودان اۋرۋىم جانە ونى ەمدەۋ ادىستەرى تۋرالى اقپاراتتى ىزدەۋىمە تۋرا كەلدى. ۇلتتىق نەيروحيرۋرگيا ورتالىعىنىڭ سايتى ارقىلى گاۋحار يباتوۆانىڭ قابىلداۋىنا جازىلدىم.
دارىگەرلەر مرت سۋرەتتەرىن زەرتتەدى، زەرتتەۋ ۇستامالار كەزىندە جۇرگىزىلگەن يكتالدىق ەەگ-تەن كەيىن ەپيلەپسيا كەزىندە حيرۋرگيالىق ەمدەۋ مۇمكىندىگىن ايقىندادى.