قالانىڭ تۇرعىن ۇي-كوممۋنالدى شارۋاشىلىعىنان باستاپ، ەكولوگيا مەن قوعامدىق قاۋىپسىزدىككە دەيىنگى ماسەلەلەرىن قامتىعان قالالىق قوعامدىق كەڭەستىڭ №1 كوميسسياسى ءوز جۇمىسىن قورىتىندىلادى، دەپ حابارلايدى aqshamnews.kz.
وڭىرلىك كوممۋنيكاسيالار قىزمەتىندە وتكەن باسپا ءسوز ءماسليحاتىندا №1 كوميسسيا ءتوراعاسىنىڭ ورىنباسارى ايگۇل شوپشەكبايەۆا وسىلاي دەپ حابارلادى.
ونىڭ ايتۋىنشا، كوميسسيا 24 وتىرىس وتكىزىپ، وندا اۋدان اكىمدىگى، قالا باسقارماسى، پوليسيا دەپارتامەنتى مەن توتەنشە جاعدايلار دەپارتامەنتى وكىلدەرىنىڭ ەسەبى تىڭدالعان. سونىڭ ناتيجەسىندە الماتىلىقتاردىڭ ءومىر ساپاسىن، قالانىڭ ينفراقۇرىلىمىن جاقسارتۋعا باعىتتالعان 240 ۇسىنىس جاسالدى.
«كوميسسيا مەملەكەت پەن ازاماتتىق قوعامنىڭ اراسىندا بايلانىس ورناتاتىن ءتيىمدى الاڭ ەكەنىن دالەلدەپ وتىر. ءبىز بار ماسەلەنى نازارعا الىپ قانا قويماي، ونىڭ شەشۋدىڭ ناقتى جولىن ۇسىنامىز»،- دەپ اتاپ ءوتتى ايگۇل شوپشەكبايەۆا.
سپيكەردىڭ ايتۋىنشا، الماتىداعى سىبايلاس جەمقورلىققا قارسى ءىس-قيمىل دەپارتامەنتىمەن جۇيەلى تۇردە جۇمىس ىستەۋگە كوپ كوڭىل بولىنگەن. تكق، كولىك پەن ەكولوگيا سالاسىنداعى جەمقورلىقتى جويۋدى كوزدەيتىن ءىس-شارالاردىڭ جوسپارى جاسالعان. سونىڭ ءبىرى – ۇسىنىستىڭ ورىندالۋ بارىسىن قاداعالاپ، وقىتىپ، سيفرلىق شەشىمدەردى وندىرىسكە ەنگىزۋ.
«ءبىز بيلىك ورگاندارىنىڭ اشىق بولعانىن، ەسەپ بەرىپ وتىرعانىن قالايمىز. سيفرلى قۇرالدار، كارتا جاساپ، ارىز-وتىنىشكە ارناپ QR-كودتار ەنگىزىپ جاتقانىمىز سودان. حالىق وسىنىڭ ارقاسىندا اقپاراتتى تىكەسىنەن الىپ، قوعامدىق باقىلاۋ دا كۇشەيەدى»،- دەدى.
سونىمەن بىرگە، كوميسسيا تۇرعىندارمەن، ەكسپەرتتەرمەن، كومپلاەنس-وفيسەرلەرمەن، ۇيىمدارمەن جۇمىس ىستەۋگە كوڭىل ءبولىپ وتىر. 200-دەن استام ءىس-شارا ءوتىپ، تۇرعىندار مەن ءارتۇرلى ۇيىمداردىڭ 70 ارىز-شاعىمى قارالعان. ونىڭ 52ء-سى شەشىمىن تاۋىپ، قالعانىنا تۇسىنىكتەمە بەرىلگەن.