الماتىدا 2022–2024 جىلعى III شاقىرىلىمداعى قوعامدىق كەڭەستىڭ جۇمىسىن قورىتىندىلادى، دەپ حابارلايدى aqshamnews.kz.
بۇل جونىندە وڭىرلىك كوممۋنيكاسيالار قىزمەتىندە وتكەن باسپا ءسوز كونفەرەنسياسىندا «اقپاراتتىڭ رەسۋرس ورتالىعى» قق ديرەكتورى، الماتى قالاسىنىڭ قوعامدىق كەڭەسىنىڭ ءتوراعاسى التىناي كوبەيەۆا حابارلادى.
ونىڭ ايتۋىنشا، 3 جىلدا قوعامدىق كەڭەس 40 جالپى وتىرىس وتكىزىپ، وندا 61 وزەكتى ماسەلەنى قاراعان. پرەزيديۋمنىڭ 26 وتىرىسىن، كوميسسيانىڭ اي سايىنعى بەس كەزدەسۋىن وتكىزگەن. سونىڭ ارقاسىندا كەڭەستىڭ قۇرامىنا رەزەرۆتەگى تىزىمدە تۇرعان 15 ادام قوسىلعان جاڭادان.
«ءبىز وسى ۋاقىت ارالىعىندا سەگىز اۋداندىق اكىمدىكتىڭ، 76 مەملەكەتتىك ورگاننىڭ، مەكەمەگە قاراستى 61 ۇيىمنىڭ ەسەبىن تىڭدادىق. ونىڭ كوبىنە ۇسىنىس ازىرلەپ، ءقازىر سولار جۇزەگە اسىپ جاتىر»،- دەدى التىناي كوبەيەۆا. 2023 جىلعى ءساۋىر ايىنان 2025 جىلعى ناۋرىز ايىنا دەيىن سەگىز اۋداندا 176 ديالوگ ءوتىپ، وعان 5292 ادام قاتىستى. ولار – كەڭەس مۇشەلەرى، ەكسپەرتتەر، مەملەكەتتىك قىزمەتتىڭ وكىلدەرى مەن قالا تۇرعىندارى.
ەكسپەرتتىك توپ ەرەكشە نازار اۋدارعان باعىتتىڭ ءبىرى — سوڭعى ءۇش جىلدا 85 قوعامدىق مونيتورينگ وتكىزىلىپ، 262 نورماتيۆتىك قۇقىقتىق اكتىگە ساراپتاما جاسالدى.
سونىمەن بىرگە ەكولوگيا، دەنساۋلىق ساقتاۋ، رۋحاني تاربيە، قوعامدىق كولىك، سەرۆيستىك پوليسياعا قاتىستى ەڭ ماڭىزدى ماسەلەلەر قارالعان 6 قوعامدىق تىڭداۋ ۇيىمداستىرىلىپ، 28 دوڭگەلەك ۇستەل، قالا جانە اۋدان اكىمدەرىمەن 140 كەزدەسۋ ءوتتى.
«قوعامدىق كەڭەس – قالا تۇرعىندارىنىڭ الاڭداتقان قوعامداعى تۇيىتكىلدى ءارى وزەكتى ماسەلەلەردى شەشەتىن ماڭىزدى الاڭعا اينالدى. ءۇش جىلدا قالا تۇرعىندارى مەن زاڭدى تۇلعالاردان 891 ءوتىنىش ءتۇسىپ، 795 وتىنىشكە ناقتى جاۋاپ بەرىلدى»،- دەپ تولىقتىردى كوبەيەۆا.
باسقارمالاردىڭ بيۋدجەتىنە مونيتورينگ جاساۋدان باستاپ الەۋمەتتىك ماڭىزى بار ماسەلەلەرگە ۇسىنىس ەنگىزۋگە دەيىنگى دۇنيەلەردى قامتىعان 18 ءىس-شارا وتكىزىلدى. اقپاراتتىق جۇمىس جۇرگىزىلىپ، رەسمي سايت پەن الەۋمەتتىك جەلىگە 1366 ماقالا شىقتى. كەڭەس مۇشەلەرى دە ءوزىنىڭ جەكە پاراعىندا جۇمىس بارىسىن كورسەتىپ وتىردى.
«قوعام مەن بيلىكتىڭ اراسىندا دانەكەر بولىپ، بايلانىس ورناتۋدا قوعامدىق كەڭەستىڭ ورنى ەرەكشە ەكەنىن ۋاقىتتىڭ ءوزى دالەلدەدى. قالانى قولدان كەلگەنشە الماتىلىقتارعا قولايلى ەتىپ، ىزگىلەندىرۋ ءۇشىن كەز كەلگەن ادامنىڭ ارىز-شاعىمىن اياقسىز قالدىرماۋعا بارىمىزدى سالىپ جاتىرمىز»، - دەپ تۇيىندەدى التىناي كوبەيەۆا.