24 تامىز الماتىنىڭ بارلىق 8 اۋدانىندا شەت تىلدەرىن تەگىن وقىتۋ بويىنشا «تىلدەر ساياباعى» جۇمىسىن باستايدى. ساباقتار الماتى قالاسىنىڭ اكىمدىگىمەن، اۋدان اكىمدىكتەرىمەن، بەلسەندىلەرمەن جانە ەرىكتىلەرمەن بىرلەسىپ ۇيىمداستىرىلدى.
2023 جىلى «تىلدەر ساياباعى» جوباسى اياسىندا قالانىڭ 5000-نان استام تۇرعىنى 15-تەن استام شەت ءتىلىن تاڭداي وتىرىپ، ءارتۇرلى جەرلەردە وقىتۋ جوسپارلانعان، دەپ حابارلايدى Almaty-akshamy.kz.
ساياباقتاردا شەت تىلدەرىن ۇيرەنۋمەن قاتار، قالانىڭ بارلىق تۇرعىنى قازاق ءتىلىن ۇيرەنۋگە مۇمكىندىك الادى.
«تىلدەر ساياباعى» - بۇل قالالىق الەۋمەتتىك جوبا، ونىڭ اياسىندا قالا ساياباقتارى بازاسىندا بەيرەسمي تۇردە شەت تىلدەرىن وقىتۋ بويىنشا تەگىن ساباقتار وتكىزىلەدى. ساباقتار تازا اۋادا وتەدى، وعان قالا تۇرعىندارى قاتىسا الادى. كۋرستار جازعى كەزەڭدە، اپتاسىنا 3 رەت 1 اي ىشىندە وتەدى.
تىلدەر پاركى بازاسىندا 8 ءتىل بويىنشا تەگىن ساباقتار وتكىزىلدى. كۋرستاردى اياقتاعاننان كەيىن بارلىق بەلسەندى قاتىسۋشىعا تىلدەردى ءبىلۋ دەڭگەيىنىڭ كورسەتكىشىمەن كۋرستاردان وتكەنى تۋرالى سەرتيفيكاتتار بەرىلەدى.
قاتىسۋشىلاردىڭ جاس ساناتى 6 جاستان 60 جاسقا دەيىن. جوبانى ىسكە اسىرۋدىڭ 6 جىلىندا QR-كودتى قولدانا وتىرىپ، اعىلشىن ءتىلىن وقىتۋعا ارنالعان «EZ OQU» يننوۆاسيالىق كىتابى شىقتى. وسى كىتاپتىڭ كومەگىمەن مۇعالىمدەردىڭ كومەگىنسىز اعىلشىن ءتىلىن ءوز بەتىڭىزشە وقي الاسىز. بۇگىنگى تاڭدا تىلدەر ساياباعى بازاسىندا 10 000-نان استام ادام وقىتىلدى.
تىلدەر ساياباعىنىڭ وتەتىن ورىندارى:
1. مەدەۋ اۋدانى - ورتالىق مادەنيەت جانە دەمالىس ساياباعى
2. الاتاۋ اۋدانى - اتلەتيكالىق اۋىلداعى كوگال
3. ناۋرىزباي اۋدانى - ناۋرىزباي اۋدانى اكىمدىگىنىڭ الدىنداعى كوگال
4. المالى اۋدانى - م.ماقاتايەۆ الاڭى
5. تۇركسىب اۋدانى - تۇركسىب اۋدانى وقۋشىلار سارايى جانىنداعى الاڭ
6. بوستاندىق اۋدانى - دوستىق ساياباعى
7. جەتىسۋ اۋدانى - اينابۇلاق-1 جاڭا ساياباعى
8. اۋەزوۆ اۋدانى - ساس تەاترى ارتىنداعى امفيتەاترى بار الاڭ
تىركەلۋ مىندەتتى!
وتەتىن كۇنى مەن ورنى: 24 تامىز، ساعات 17:00-دەن 18:00-گە دەيىن، المالى جانە ناۋرىزباي اۋداندارى
بايلانىس ءنومىرى: ساپاروۆا دينارا، جاستار ساياساتى باسقارماسىنىڭ PR جونىندەگى كەڭەسشىسى، +7 (705) 705 6221