الماتىدا قالا قۇرىلىسى رەگلامەنتتەرىن ىسكە اسىرۋدىڭ جاڭا جوسپارى قابىلدانادى، دەپ حابارلايدى Almaty-akshamy.kz
الماتىدا قالا باسشىسى ەربولات دوسايەۆتىڭ قاتىسۋىمەن تاۋ بوكتەرىندەگى قۇرىلىس سالاسىنداعى سىبايلاس جەمقورلىق تاۋەكەلدەرىن سىرتقى تالداۋ قورىتىندىلارى بويىنشا ۇسىنىمداردى ورىنداۋ ماسەلەلەرى بويىنشا قوعامدىق كەڭەستىڭ كوشپەلى وتىرىسى ءوتتى.
الماتىنىڭ قابىلدانعان باس جوسپارىنا سايكەس 2040 جىلعا دەيىن الماتىنىڭ قالا قۇرىلىسى رەگلامەنتتەرىن ىسكە اسىرۋدىڭ جاڭا جوسپارىن ازىرلەۋ باستالدى.
«جۇمىس اعىمداعى جىلدىڭ شىلدە ايىنىڭ سوڭىنا دەيىن اياقتالادى. اياقتاۋ نىسانى — الماتى قالاسى ءماسليحاتىنىڭ شەشىمى»، — دەدى قالا اكىمىنىڭ ورىنباسارى اسقار امرين
الماتى قالاسى اكىمدىگىنىڭ قىزمەتىندەگى باستى باسىمدىقتاردىڭ ءبىرى — تاۋ بوكتەرىندەگى ايماقتاعى قۇرىلىستىڭ ساپاسىن باقىلاۋ. سەيسميكالىق قاۋىپسىزدىكتى قامتاماسىز ەتۋ ءۇشىن اكىمدىك ورتالىق مەملەكەتتىك ورگاندارعا 2016 جىلى «Doing Business» باعدارلاماسىن ىسكە اسىرۋ شەڭبەرىندە تاراتىلعان جوبالاۋ، قۇرىلىس جانە باقىلاۋ پروسەسىن قاتاڭداتۋ جونىندە ۇسىنىستار جىبەردى.
سونداي-اق، قالادا ماقساتسىز پايدالانۋ ءۇشىن اۋىل شارۋاشىلىعى ماقساتىنداعى جەرلەر دە تەكسەرىلەدى.