كەشە الماتى قالاسى ءبىلىم باسقارماسىنىڭ باسشىسى سايران سايفەدەنوۆ قالا كوللەدجدەرىنىڭ تۇلەكتەرى ءۇشىن ۇيىمداستىرىلعان «Profy Marathon 2025» اكسياسىنا قاتىستى.
الماتى قۇرىلىس-تەحنيكالىق كوللەدجىندە قازاقستان رەسپۋبليكاسى پرەزيدەنتى اكىمشىلىگىنىڭ تاپسىرمالارىن ورىنداۋ اياسىندا جانە “جۇمىسشى ماماندار” جىلىنىڭ وڭىرلىك ءىس-شارالار جوسپارىنا سايكەس ءىرى يميدجدىك ءىس-شارا – «Profy Marathon 2025» ءوتتى.
ءىس-شارانىڭ باستى ساتتەرىنىڭ ءبىرى مەگاپوليستىڭ جەتەكشى كاسىپورىندارىنان مەملەكەتتىك كوللەدجدەردىڭ 20 ۇزدىك تۇلەكتەرىنە جەكە سەرتيفيكاتتاردى سالتاناتتى تۇردە تابىستاۋ ءراسىمى بولدى. سەرتيفيكاتتار ستۋدەنتتەردىڭ جەتىستىكتەرىن مويىنداۋ عانا ەمەس، سونىمەن قاتار جوعارى بىلىكتى ماماندارعا قىزىعۋشىلىق تانىتقان جۇمىس بەرۋشىلەردىڭ قولداۋىنىڭ سيمۆولى بولىپ تابىلادى.
بۇگىنگى تاڭدا الماتى كوللەدجدەرى ءبىرقاتار ءتيىمدى باستامالاردى بەلسەندى تۇردە جۇزەگە اسىرۋدا، سونىڭ ىشىندە:
- ستۋدەنتتەردىڭ تەوريالىق بىلىمدەرىن وندىرىستە پراكتيكالىق وقىتۋمەن ۇشتاستىرۋعا مۇمكىندىك بەرەتىن دۋالدى وقىتۋ؛
- -بيزنەستىڭ ناقتى قاجەتتىلىكتەرىن ەسكەرە وتىرىپ قالىپتاستىرىلاتىن نىسانالى مەملەكەتتىك ءبىلىم بەرۋ تاپسىرىسى؛
- تۇلەكتەردىڭ كاسىبي شەبەرلىگى مەن باسەكەگە قابىلەتتىلىگىنىڭ ءوسۋىن ىنتالاندىراتىن WorldSkills ستاندارتتارى بويىنشا كوپ دەڭگەيلى چەمپيوناتتار.
بۇل ۇدەرىستەردە نەگىزگى ءرول وقۋ پروسەسىنىڭ تولىققاندى قاتىسۋشىلارى جانە تۇلەكتەردىڭ كەيىن جۇمىسقا ورنالاسۋىنىڭ كەپىلى بولاتىن جۇمىس بەرۋشىلەر مەن الەۋمەتتىك سەرىكتەستەرگە تيەسىلى.
«Profy Marathon 2025» ماقساتى – تەحنيكالىق جانە كاسىپتىك ءبىلىم بەرۋ جۇيەسىنىڭ بەدەلىن ارتتىرۋ، سونداي-اق قوعامدا زاماناۋي، سۇرانىسقا يە جانە بولاشاعى زور جۇمىسشى ماماننىڭ تۇراقتى بەينەسىن قالىپتاستىرۋ. ءىس-شارا تۇلەكتەردىڭ ءساتتى وقيعالارىن كورسەتۋگە، ولاردىڭ دايىندىعىنىڭ جوعارى دەڭگەيىن جانە جەكە موتيۆاسياسىن كورسەتۋگە ارنالعان.
«Profy Marathon 2025» شاراسىنا 400-دەن استام تۇلەك، مەملەكەتتىك ورگانداردىڭ، بيزنەس-قاۋىمداستىقتاردىڭ، قوعامدىق ۇيىمداردىڭ جانە ب ا ق وكىلدەرى قاتىستى. بۇل ادامي كاپيتالدى دامىتۋعا جانە قالانىڭ الەۋمەتتىك-ەكونوميكالىق دامۋىنىڭ باسىمدىقتارىن جۇزەگە اسىرۋعا باعىتتالعان ءبىلىم بەرۋ، مەملەكەت جانە بيزنەس اراسىندا بىرەگەي ديالوگ الاڭىن قۇرۋعا مۇمكىندىك بەرەدى.