بۇل تۋرالى قالالىق ءماسليحاتتىڭ كەزەكتى سەسسياسىندا الماتى قالاسى سەيسميكالىق قاۋىپسىزدىك جانە جۇمىلدىرۋ دايىندىعى باسقارماسى باسشىسىنىڭ مىندەتىن ۋاقىتشا اتقارۋشى تەمىرلان جاپاربەك حابارلادى.
دەپۋتاتتاردىڭ تابيعي قۇبىلىستاردىڭ ناتيجەسىندە دە، تاۋ بوكتەرىندەگى حاوستى قۇرىلىس سەبەبىنەن تۋىندايتىن سەل اعىندارى پروبلەماسىن شەشۋ شارالارى تۋرالى سۇراعىنا جاۋاپ بەرە وتىرىپ، ول باسقارما اعىمداعى جىلدىڭ ناۋرىز-شىلدە ايلارى ارالىعىندا قالانىڭ 5 اۋدانىنىڭ اكىمدىكتەرىمەن بىرلەسىپ كوشكىندەر بويىنشا پروبلەمالارعا تالداۋ جۇرگىزىپ، تاۋ بوكتەرىندەگى ەلدى مەكەندەردى زەرتتەگەنىن اتاپ ءوتتى.
«تاۋ بوكتەرلەرىندە قۇرىلىس سالۋ ماسەلەلەرىن شەشۋ ماقساتىندا ۇزاق مەرزىمدى پەرسپەكتيۆادا الماتى ارقىلى وتەتىن ءتورت نەگىزگى وزەندە – «ۇلكەن الماتى»، «كىشكەنتاي الماتى»، «قارعالى جانە اقساي» كوشكىن ءقاۋپى كارتاسىن جاساۋعا بيۋدجەتتىك ءوتىنىم جولداندى. جاسالعان تاۋەكەل كارتاسىن جوبالاۋ الدىنداعى قۇجاتتامانى، سونداي-اق كوشكىن ءقاۋپى جانە سەل ءقاۋپى بار ۋچاسكەلەردەگى جەرلەردى سالۋعا جانە بەرۋگە كەيىننەن تىيىم سالا وتىرىپ، ەگجەي-تەگجەيلى جوسپارلاۋعا قاراستىرىلۋدا. جوبا 3 جىلعا ەسەپتەلگەن»، - دەپ اتاپ ءوتتى تەمىرلان جاپاربەك.
سونىمەن قاتار، باسقارما اۋدان اكىمدىكتەرىمەن بىرلەسىپ، كوشكىن ءقاۋپى بار ۋچاسكەلەردى جويۋ ءۇشىن جوبالىق شەشىمدەر دايىندادى. بۇل جۇمىستار اعىمداعى جىلدىڭ سوڭىنا دەيىن اياقتالادى.