الماتىدا قوستاناي اكادەمياسىنىڭ باسشىلىعى مەن قاجد قىزمەتكەرلەرى جەتى مىڭعا جۋىق وقۋشىعا كاسىپتىك باعدار بەردى، دەپ حابارلايدى aqshamnews.kz Polisia.kz-كە سىلتەمە جاساپ.
ق ر ىشكى ىستەر ءمينيسترىنىڭ كاسىپتىك باعدار بەرۋ جۇمىستارىن وتكىزۋ بويىنشا بەرىلگەن تاپسىرماسىن جۇزەگە اسىرۋ اياسىندا قوستاناي اكادەمياسى باستىعىنىڭ ورىنباسارى باقىتجان سادىبەكوۆ، اعا وقىتۋشى ماديار قالقامان ۇلى جانە دوكتورانت گ.ەلەۋسىزوۆا الماتى قالاسى قاجد كادر باسقارماسىنىڭ باستىعى ا.جانامانوۆا جانە اۋداندىق پروباسيا قىزمەتىنىڭ باسشىلارى الماتى قالاسىنداعى 104 مەكتەپتىڭ وقۋشىلارىمەن كەزدەسۋ وتكىزدى.
كەزدەسۋگە قاتىسقان وقۋشىلار سانى – 6888. جيىن بارىسىندا اتالعان ماماندار وقۋشىلاردى قازاقستان رەسپۋبليكاسى ءىىم شىراقبەك قابىلبايەۆ اتىنداعى قوستاناي اكادەمياسىنا وقۋعا ءتۇسۋ شارتتارىمەن تانىستىرىپ، ولارعا قۇجات قابىلداۋ ءتارتىبى مەن وقۋعا ءتۇسۋ كەزەڭدەرى تۋرالى اقپاراتتار بەردى. سونىمەن قاتار وقۋشىلارعا ىشكى ىستەر ورگاندارىندا قىزمەت وتكەرۋدىڭ جەڭىلدىكتەرى جانە جاۋاپكەرشىلىكتەرى ءتۇسىندىرىلىپ، قوستاناي اكادەمياسى تۋرالى بەينەفيلم كورسەتىلدى. كەزدەسۋ سوڭىندا اتالعان اكادەمياعا ءتۇسۋ شارتتارى جازىلعان بۋكلەتتەر تاراتىلدى.