ءماسليحات دەپۋتاتتارى مەن جاناشىر ازاماتتاردىڭ قارجىلاي قولداۋىمەن 572 تۇرمىسى تومەن وتباسى مەن بەس ۇكىمەتتىك ەمەس ۇيىمعا 8 تونناعا جۋىق ازىق-تۇلىك ساتىپ الىندى.
الماتى اكىمدىگىنىڭ اپپاراتتىق كەڭەسىندە قالانىڭ ءال-اۋقات باسقارماسىنىڭ باسشىسى نازيرا توعىزبايەۆا از قامتىلعان وتباسىلاردى، كۇش قۇرىلىمدارىن جانە ۇەۇ-نى قولداۋ تۋرالى ايتىپ بەردى.
«الماتى قالاسىندا قالىپتاسقان جاعدايعا بايلانىستى 2022 جىلدىڭ 9 قاڭتارىنان باستاپ «جاقسىلىق باستاۋى» قايىرىمدىلىق قورىمەن بىرلەسىپ قۇقىق قورعاۋ ورگاندارى مەن ۇلتتىق ۇلاننىڭ 1455 قىزمەتكەرىن ىستىق تاماقپەن قامتاماسىز ەتۋ بويىنشا قايىرىمدىلىق اكسياسى وتكىزىلۋدە. ال «April Group» جشس-مەن بىرگە 200 از قامتىلعان وتباسىعا ازىق-تۇلىك جيىنتىعى بەرىلدى»، - دەدى قالالىق ءال-اۋقات باسقارماسىنىڭ باسشىسى.
ونىڭ ايتۋىنشا، ءماسليحات دەپۋتاتتارى مەن جاناشىر ازاماتتاردىڭ قارجىلاي قولداۋىمەن 572 تۇرمىسى تومەن وتباسى مەن بەس ۇكىمەتتىك ەمەس ۇيىم – قازاق زاعيپتار قوعامى، «انا ءۇيى» قق، «ريەۆانش» قق، «جانۇيا» داعدارىس ورتالىعى، «تين چەللەندج» ەسىرتكىگە تاۋەلدىلىكتى وڭالتۋ جونىندەگى مەديسينالىق ورتالىق ءۇشىن 8 تونناعا جۋىق ازىق-تۇلىك ساتىپ الىندى.