عيماراتتاردى تازالاۋ جۇمىستارى 20 قۇرىلىس كومپانياسىنىڭ كۇشىمەن جۇرگىزىلدى، 800-گە جۋىق ادام جانە 40-تان استام ارنايى تەحنيكا تارتىلدى. اكىمدىك عيماراتىنىڭ سىرتقى جاعىنا قاسبەتتىك تور ورناتىلدى.
الماتى اكىمى باقىتجان ساعىنتايەۆتىڭ توراعالىعىمەن وتكەن اپپاراتتىق كەڭەستە جايلى قالالىق ورتا باسقارماسىنىڭ باسشىسى ساپار نۇراشيەۆ قالانىڭ زارداپ شەككەن نىساندارى بويىنشا قالپىنا كەلتىرۋ جۇمىستارىنىڭ بارىسى تۋرالى ەسەپ بەردى، دەپ حابارلايدى Almaty-akshamy.kz
س. نۇراشيەۆتىڭ ايتۋىنشا، باسقارۋ نىساندارى بويىنشا جۇمىستار تولىق كولەمدە جاڭارتىلدى.
بۇل - 35 الەۋمەتتىك نىسان، 58 ينجەنەرلىك-كوممۋنيكاسيالىق ينفراقۇرىلىم جوباسى جانە تۇركسىب اۋدانىنىڭ "قايرات" شاعىناۋدانىندا 41 تۇرعىن ءۇيدىڭ قۇرىلىسى.
جاڭا قۇرىلىس نىساندارىنداعى جۇمىسشىلار سانى شامامەن 2300 ادامدى قۇرايدى، اپتا باسىندا 1400 ادام بولدى.
قالپىنا كەلتىرۋ نىساندارىنىڭ باستاپقى ءتىزىمى 31 وبەكتىدەن تۇردى. وسى نىسانداردى قاراۋ بارىسىندا جەكە مەنشىكتەگى مىناداي وبەكتىلەر شوب ساناتىنا اۋىستىرىلدى: «مير 24» تەلەارناسى؛ «الماتى حالىقارالىق اۋەجايى» عيماراتى؛ Nur Otan پارتياسىنىڭ عيماراتى (تولە بي كوشەسى، 277). سونىمەن قاتار، كەلىسسوزدەر بارىسىندا تۇڭعىش پرەزيدەنت قورىنىڭ عيماراتىن قوردىڭ ءوز قاراجاتى ەسەبىنەن قالپىنا كەلتىرۋ تۋرالى شەشىم قابىلداندى.
«جوعارىدا كورسەتىلگەن وبەكتىلەردى الىپ تاستاعاننان كەيىن 27 oبەكت قالپىنا كەلتىرىلۋگە جاتادى، ونىڭ ىشىندە 10 وبەكت بويىنشا قالپىنا كەلتىرۋ بيۋدجەت قاراجاتى ەسەبىنەن جۇرگىزىلەتىن بولادى. ولار: اكىمدىك عيماراتى، «قازاقستان» تەلەارناسى، پرەزيدەنت رەزيدەنسياسى، پروكۋراتۋرا وكىلدىگىنىڭ جانە قۇقىقتىق ستاتيستيكا جانە ارنايى ەسەپكە الۋ جونىندەگى كوميتەت باسقارماسىنىڭ عيماراتى. سونداي-اق 6 نىسانعا اعىمداعى جوندەۋ جۇمىستارى جۇرگىزىلدى: پوليسيا دەپارتامەنتىنىڭ عيماراتى جانە فرونت-وفيس، المالى اۋداندىق پوليسيا باسقارماسىنىڭ عيماراتى جانە فرونت-وفيس، المالى اۋداندىق پوليسيا ءبولىمىنىڭ عيماراتى جانە فرونت-وفيس»، - دەپ اتاپ ءوتتى قالالىق جايلى ورتا باسقارماسىنىڭ باسشىسى.
ول «قازقسعزي» اق، «كازميرر» اق (قازاقستاندىق كوپسالالى قايتا قۇرۋ جانە دامۋ ينستيتۋتى – پرەزيدەنت رەزيدەنسياسىنىڭ عيماراتى) ينستيتۋتىمەن جانە باسقا دا اككرەديتتەلگەن ۇيىمدارمەن تەحنيكالىق تەكسەرۋ، جسق ازىرلەۋ جانە اعىمداعى جوندەۋ بويىنشا سمەتالىق ەسەپتەر بويىنشا جۇمىستار جۇرگىزىلىپ جاتقانىن حابارلادى.
قالعان 17 نىسان از عانا شىعىنعا ۇشىرادى، سونىڭ نەگىزىندە قالپىنا كەلتىرۋ بيزنەستىڭ الەۋمەتتىك جاۋاپكەرشىلىگى اياسىندا جۇرگىزىلەدى.
بۇل 5 دەنساۋلىق ساقتاۋ نىسانى: №7 قالالىق كلينيكالىق اۋرۋحانا، قالالىق كارديولوگيالىق ورتالىق، №1 پەرزەنتحانا، المالى اۋدانىنىڭ مساك №12 ورتالىق كلينيكالىق اۋرۋحاناسى؛ پوليسيا دەپارتامەنتىنىڭ 10 مودۋلدىك بەكەتى؛ اۋەزوۆ جانە جەتىسۋ اۋداندارىنىڭ فرونت-كەڭسەلەرى بار 2 پوليسيا باسقارماسىنىڭ عيماراتى.
سونىمەن قاتار، س. نۇراشيەۆتىڭ ايتۋىنشا، ق ر قۇرىلىس ىستەرى جونىندەگى كوميتەت باسشىسىنىڭ توراعالىعىمەن بىرنەشە كەڭەس وتكىزىلدى، وندا 21 قاڭتارعا دەيىن بارلىق وبەكتىلەر بويىنشا اعىمداعى جوندەۋدىڭ بارلىق وبەكتىلەرى بويىنشا سمەتالىق ەسەپتەردى دايىنداۋ؛ 25 قاڭتارعا دەيىن بارلىق وبەكتىلەرگە تەحنيكالىق تەكسەرۋدى اياقتاۋ؛ 15 ناۋرىزعا دەيىن كۇردەلى جوندەۋمەن قايتا جاڭارتۋ جۇرگىزىلەتىن وبەكتىلەر بويىنشا جسق ازىرلەۋدى اياقتاۋ جونىندە شەشىم قابىلداندى.
«مەمساراپتاما» رمك الماتى فيليالى ساراپتاما قورىتىندىسىن العانعا دەيىن بارلىق كەزەڭدەردە جسق ازىرلەۋدى سۇيەمەلدەيدى. بارلىق نىساندار بويىنشا مەردىگەر جانە جوبالاۋ ۇيىمدارى انىقتالدى.
سونداي-اق، الماتى قالاسىنىڭ قجوب باسشىسى 12 قاڭتاردان باستاپ پرەزيدەنت رەزيدەنسياسىنىڭ عيماراتىنان باسقا 9 نىسان تازارتىلعانىن ايتتى، وعان 17 قاڭتاردان باستاپ كىرۋگە بولادى. عيماراتتاردى تازالاۋ جۇمىستارى 20 قۇرىلىس كومپانياسىنىڭ كۇشىمەن جۇرگىزىلدى، 800-گە جۋىق ادام جانە 40-تان استام ارنايى تەحنيكا تارتىلدى. اكىمدىك عيماراتىنىڭ سىرتقى جاعىنا قاسبەتتىك تور ورناتىلدى.