الماتى ورتالىق قالالىق كلينيكالىق اۋرۋحاناسىنىڭ بازاسىندا قايتىس بولعاننان كەيىن دونوردان اعزالار الىنعان.
دونوردىڭ تۋىستارىنىڭ كەلىسىمىنىڭ ارقاسىندا بىردەن بىرنەشە ومىرلىك ماڭىزدى اعزالاردى ترانسپلانتاتتاۋعا مۇمكىندىك تۋعان:
جۇرەك 1988 جىلى تۋعان پاسيەنتكە؛
باۋىر-1982 جىلى تۋعان پاسيەنتكە؛
وڭ بۇيرەك – 1996 جىلى تۋعان پاسيەنتكە؛
سول جاق بۇيرەك – 2017 جىلدىڭ قازان ايىنان باستاپ ترانسپلانتاتتاۋدى كۇتكەن 1966 جىلى تۋعان پاسيەنتكە؛
ءمولدىر قابىق -1983 جانە 1956 جىلى تۋعان پاسيەنتتەرگە وتا ارقىلى سالىنعان.
پروسەستى ۇيىمداستىرۋ مەن ۇيلەستىرۋدى الماتىنىڭ جەتەكشى ترانسپلانتاتتاۋ ورتالىقتارىمەن بىرلەسىپ، ق ر دسم رەسپۋبليكالىق ترانسپلانتاتتاۋدى جانە جوعارى تەحنولوگيالىق مەديسينالىق قىزمەتتەردى ۇيلەستىرۋ ورتالىعى قامتاماسىز ەتكەن.
"دونوردىڭ جاسىنا قاراماستان، دارىگەرلەر اعزالاردىڭ جاعدايى جاقسى ەكەنىن جانە ولاردىڭ ودان ءارى جۇمىس ىستەۋ مۇمكىندىگىن اتاپ ءوتتى. بۇل ءومىردى ساقتاپ قالۋعا كەلگەندە جاستىڭ كەدەرگى ەمەس ەكەنىن تاعى ءبىر رەت راستايدى"، - دەلىنگەن حابارلامادا.