«قايتارىلعان اكتيۆتەردى باسقارۋ كومپانياسى» كايرات ساتىبالدىعا تيەسىلى جشس-لاردىڭ بىرىمەن بايلانىستى اياقتالماعان بيزنەس-ورتالىعىن ساتىلدى، دەپ حابارلايدى aqshamnews.kz.
ساۋدا اۋكسيونى وسى جىلدىڭ قازان ايىنىڭ سوڭىندا ءوتتى. «وريون» بيزنەس-ورتالىعىنىڭ 21،5 مىڭ شارشى مەتر الاڭى 6،2 ميلليارد تەڭگەگە ساتىلدى. اۋكسيون كلاسسيكالىق تاسىلمەن، ياعني باعانى كوتەرۋ ارقىلى ءوتتى.
ەسكە سالا كەتەيىك، ساتۋ تۋرالى حابارلاما وسى جىلدىڭ قازان ايىندا مەملەكەتتىك مۇلىك ەلەكتروندى ساۋدا سايتىندا جاريالانعان. ساتۋشى — مەملەكەتتىك «قايتارىلعان اكتيۆتەردى باسقارۋ كومپانياسى» جشس-گى. باستاپقى باعا — 6،2 ميلليارد تەڭگە، ال اۋكسيون 24 قازان كۇنى باستالدى.
بيزنەس-ورتالىق «Baidala V» جشس-نە تيەسىلى. ونىڭ قۇرىلتايشىسى جانە ءبىرىنشى باسشىسى باقىتجان كۇلبايەۆ بولىپ تابىلادى. كومپانيا 2021 جىلى قۇرىلدى جانە ءوزىنىڭ جىلجىمايتىن مۇلىگىن جالعا بەرۋ جانە باسقارۋمەن اينالىسادى. ءجشس-نىڭ بيزنەسى باستاپقىدا ءساتتى ءوربىدى: اشىلعان جىلى كومپانيا 11 ميلليون تەڭگە سالىق تولەدى (سول جىلى بيزنەس-ورتالىقتىڭ قۇرىلىسىن جۇرگىزۋ ءۇشىن جەر ۋچاسكەسىن ساتىپ العان). ال 2022 جىلى سالىق كولەمى 100 ميلليون تەڭگەدەن استى. 2023 جىلى بۇل سوما 1،8 ميلليارد تەڭگەگە جەتتى. الايدا، 2024 جىلدىڭ سوڭىنا قاراي كومپانيانىڭ كورسەتكىشتەرى كۇرت تومەندەپ، تەك 4 ميلليون تەڭگە سالىق تولەگەن.