تۇندە ۇيقىسىنان ايىرىلعان 350 تۇرعىن پسيحولوگيالىق كەڭەس العان
الماتى قالالىق پسيحيكالىق دەنساۋلىق ورتالىعىنىڭ سەنىم تەلەفونىنا بيىل ون ايدا 4 مىڭنان استام تۇرعىن حابارلاسىپ، پسيحولوگيالىق تۇيىتكىلىن ايتىپ، كەڭەس سۇراعان، دەپ حابارلايدى Almaty-akshamy.kz.
ورتالىق ديرەكتورى ساپار راحمەنشەيەۆتىڭ ايتۋىنشا، ويىنقۇمارلار، ونلاين نەسيە الىپ قارىزعا باتقاندار دا شەرىن تارقاتىپ، تەلەفوندارعا دامىل بەرمەيتىن بولعان.
بيىل الەۋمەتتىك ماسەلەلەرىن ايتىپ، 500-دەن استام ادام قوڭىراۋ شالىپتى. ولار قۇمار ويىندارعا قۇنىعىپ، اقشاسىنان ايىرىلعاندار، دوستارىنا، كرەديتورلارعا ونلاين نەسيە بەرەتىن ۇيىمدارعا قارىزى قوردالانىپ، وتباسىنداعى كيكىلجىڭنەن قاجىپ، بولاشاققا سەنىمسىزدىك، كوڭىل-كۇيىنىڭ كۇرت قۇبىلۋى، قارجىلىق ماسەلەسىن شەشۋدىڭ جولدارىن سۇراعان.
ەكىنشى ورىندا دەنساۋلىعىنا شيپا ىزدەگەن 384 كىسى مەديسينالىق مەكەمەلەر، ەمحانالار، پورتالدى راسىمدەۋ بويىنشا سۇراقتار قويعان. بۇدان كەيىن تىزىمدە مازاسىز كۇيگە شىرمالىپ، دەگبىرىن قاشىرىپ، تۇندە ۇيقىسىنان ايىرىلعان 350 تۇرعىن پسيحولوگيالىق كەڭەس العان. كوپ جاعدايدا جالعىزدىق، جۇمىستان ايىرىلۋ، سويلەسەتىن، سىرلاساتىن ادامى جوق جاندار جۇرت ۇيقىدا جاتقاندا حابارلاسىپ، شەرىن تارقاتادى ەكەن.
ء-تۇرلى كومپيۋتەرلىك ويىندارعا تاپقان-تايانعانىن تىگىپ وپىق جەگەندەردىڭ كوبەيۋى قازىرگى زاماننىڭ وزەكتى پروبلەماسى. ولار ءوزىنىڭ ىسىنە، ارەكەتىنە ەسەپ بەرە المايدى. بۇگىن جولىم بولادى، ۇتىس الامىن دەگەن ۇمىتپەن ويىن كلۋبتارىنا قالاي بارىپ، قالتاسىن قاعىپ شىققانىن ءوزى بىلمەيدى. كومەك سۇراعان ازاماتتار ءبىزدىڭ ورتالىققا كەلۋگە ۇيالادى. سوعان قاراماستان جەكە سويلەسىپ، ءار ادام جايلى اقپاراتتى قۇپيا ساقتاپ، ءبىز ولارعا جان-جاقتى كەڭەس بەرەمىز. ال ونلاين نەسيە الۋعا قۇمار ادامداردىڭ ماسەلەسىنە كوز جۇمۋعا بولمايدى. بۇل نەسيەلەردىڭ جارناماسى مىقتى. ءارى تالاپ قاتال ەمەس. ءبىر نۇكتەنى باسىپ اقشا الىپ، سوعان ءوزىنىڭ قالاي تاۋەلدى بولىپ قالعانىن كەيبىرەۋلەر بايقامايدى. مۇنىڭ ءبىر عانا جولى پسيحولوگتارعا كەلىپ، وسى قۇمارلىق، تاۋەلدىلىك، قۇنىعىپ كەتۋدەن ارىلۋعا ارەكەت ەتۋ كەرەك، - دەيدى ورتالىقتىڭ ديرەكتورى ساپار راحمەنشەيەۆ.
ورتالىقتىڭ سەنىم تەلەفوندارىنا ەلىمىزدىڭ تۇكپىر-تۇكپىرىنەن كۇن سايىن 30-عا جۋىق تۇرعىن حابارلاسادى. مۇڭىن ايتىپ، تىعىرىقتان شىعاتىن جول ىزدەگەن جاندارعا ءتورت كلينيكالىق پسيحولوگتار تاۋلىك بويى كەڭەس بەرەدى. ساۋلە يباشيەۆانىڭ ايتۋىنشا قۇمار ويىنداردىڭ قۇرىعىنا ءجىپسىز بايلانعان جىگىتتەردىڭ باسىم بولىگى بويداق، جاسى 35-25 جاستاعى ەڭبەككە ەتۋگە قابىلەتتى، تەپسە تەمىر ۇزەتىن جىگىتتەر.
- ولار كوبىنەسە تۇندە قوڭىراۋ شالادى. تۇركىستان وبلىسى، اقتاۋ، اتىراۋ جانە كوكشەتاۋدان ءجيى حابارلاسادى. شاعىن اۋدان، كىشكەنتاي اۋىلدا تۇرادى. كورشىلەرى، اۋىلداستارىم ويىنقۇمار ەكەنىمدى ءبىلىپ قويماسىن دەپ كوپشىلىكتەن جاسىرىپ جۇرگەنىن ايتادى. ولاردا بولاشاققا سەنىمسىزدىك، كۇيزەلىستەن شارشاعان. وكىنىشكە قاراي بىزگە حابارلاسقان تۇرعىنداردىڭ كوبىسى اۋىرتپالىقتى جالعىز كوتەرىپ جۇرگەن ادامدار. ولارعا ءبىز قانداي مامانعا بارۋ كەرەكتىگىن ايتىپ، جول كورسەتەمىز،- دەيدى ساۋلە يباشيەۆا.
بيىل سەنىم تەلەفونىنا ءوز وزىنە ءوول جۇمسايمىن دەپ ەكى جۇزدەن استام ادام قوڭىراۋ شالعان. پسيحولوگتار ولاردىڭ بىرنەشەۋىن رايىنان قايتارعان. بۇدان وزگە ەسىرتكى زاتتارىن، الكوگول تۇتىنىپ، ءۇيدىڭ بەرەكەسىن قاشىرعان قالالىقتار دا ءجيى حابارلاسادى ەكەن. الماتى قالالىق پسيحيكالىق دەنساۋلىق ورتالىعىندا سەنىم تەلەفوندارى 2015 جىلى ىسكە قوسىلدى. اقتاۋ، قاراعاندى، كوكشەتاۋ، تاراز، استانا، اتىراۋ، قىزىلوردا جانە تۇركىستان وبلىسى تۇرعىندارىنا دا قىزمەت كورسەتەدى.