كولىك اعىنىن ازايتۋ ءۇشىن تەرمينال عيماراتىنىڭ الدىنا جولاۋشىلاردى ءتۇسىرۋ ءۇشىن قوسىمشا ءۇشىنشى جولاق بولىنگەن
الماتى حالىقارالىق اۋەجايىندا تەرمينالدىڭ تۇراق ايماعىندا كۇردەلى جوندەۋ جۇمىستارى ءجۇرىپ جاتىر. وسىعان بايلانىستى اۋەجاي اكىمشىلىگى عيمارات الدىنداعى كولىك قوزعالىسىنىڭ سىزباسىن وزگەرتتى، دەپ حابارلايدى Almaty-akshamy.kz.
الماتى حالىقارالىق اۋەجايىنىڭ باسپا ءسوز قىزمەتى حابارلاعانداي، اۋەجاي اۋماعىندا اۆتوبۋس قوزعالىسىنىڭ باعىتى وزگەرتىلدى.
«اۆتوبۋس مايلين كوشەسىنەن كىرىپ، تەرمينال عيماراتىنا بارماي، ارنايى بولىنگەن جولاقپەن احمەتوۆ كوشەسىنە شىعادى. ەسكە سالايىق، اۋەجاي اۋماعىنان شىعۋ ءۇشىن جولاۋشىلار مايلين كوشەسىنە شىعۋعا بولاتىن بۇكىل 6 پۋنكتى پايدالانا الادى. سونداي-اق، اۋەجاي اۋماعىنان احمەتوۆ كوشەسىنە قوسىمشا دەڭگەيلى پاركينگ ارقىلى شىعا الادى» دەلىنەدى حابارلامادا.
سونداي-اق، قاربالاس ۋاقىتتا اۋەجاي اۋماعىنان كولىكتەردىڭ كەدەرگىسىز شىعۋى ءۇشىن شلاگباۋم اشىلادى.
كولىك اعىنىن ازايتۋ ءۇشىن تەرمينال عيماراتىنىڭ الدىنا جولاۋشىلاردى ءتۇسىرۋ ءۇشىن قوسىمشا ءۇشىنشى جولاق بولىنگەن.
وسى جولاقتى پايدالانا وتىرىپ، جۇرگىزۋشىلەر تۇراقتان شىعىپ بارا جاتقان كولىكتەرگە توسقاۋىل قويماي جولاۋشىلارىن ءتۇسىرىپ، الىپ كەتە الادى.
«اۆتوكولىكتەر كەپتەلىسىن بولدىرماس ءۇشىن اۋەجاي اۋماعىنان شىقپاس بۇرىن تۇراق اقىسىن الدىن الا تولەۋ ۇسىنىلادى. ول ءۇشىن تەرمينالعا كىرەبەرىستە ورناتىلعان پاركوماتتاردى پايدالانۋ قاجەت. تولەم كارتامەن، قولما-قول اقشامەن جانە بانك قوسىمشاسىمەن قابىلدانادى. اۋەجاي اۋماعىنداعى قوزعالىستى جەڭىلدەتۋ ءۇشىن بارلىق قاجەتتى جەدەل جانە تەحنيكالىق شارالار قابىلدانىپ جاتىر»، - دەپ حابارلادى اۋەجايدان.
ەسكە سالايىق، الماتىدا اۋەجايىندا كولىكتەرگە ارنالعان پاندۋس جابىلعان بولاتىن.