الماتىدا «جاڭا جىل ەلىمىزدى ارالاۋدا» ءداستۇرلى پرەزيدەنت شىرشاسى ءوتتى. مەرەكەگە 300-دەن استام بالا، ونىڭ ىشىندە جەتىم بالالار، اتا-انانىڭ قامقورلىعىنسىز قالعان بالالار، از قامتىلعان جانە كوپبالالى وتباسىلاردان شىققان بالالار، ەرەكشە ءبىلىم بەرۋ قاجەتتىلىكتەرى بار بالالار، سونداي-اق وقۋدا، سپورتتا جانە شىعارماشىلىقتا جەتىستىككە جەتكەن دارىندى بالالار شاقىرىلدى.
مەملەكەت باسشىسى قاسىم-جومارت توقايەۆتىڭ اتىنان شىرشا قوناقتارىن الماتى اكىمى ەربولات دوسايەۆ قۇتتىقتاپ، بالالارعا زور دەنساۋلىق، تابىس جانە جاڭا جىلدا بارلىق نيەت- ارماندارىنىڭ ورىندالۋىن تىلەدى.
كونسەرتتىك باعدارلاما «جاڭا جىلدىق سيقىر» مۋزىكالىق-ينتەراكتيۆتى شوۋ-سپەكتاكلى بولدى. سپەكتاكلدىڭ اجىراماس بولىگى ەركەش حاسەننىڭ وىرنداۋىندا «جاڭا جىل» ءانىنىڭ ورىندالۋى مەن بالالاردىڭ شىرشانى اينالىپ، وسى ءاندى ايتۋلارى ارقىلى شىرشانىڭ جاعىلۋى، اياز اتا مەن اقشا قاردىڭ، 2024 جىلدىڭ سيمۆولى – ايداھار مەن تانىمال مۋلتفيلمدەر مەن انيماتورلار كەيىپكەرلەر بولدى.
ايتا كەتەرلىگى، بيىل شىرشانىڭ تومەنگى بولىگىنە ويىنشىقتار ىلىنبەدى، بالالار وزدەرى ونى بەزەندىرۋگە قاتىسىپ، «جاسىل شىرشاعا» جاڭا جىلدىق ويىنشىقتاردى ءىلدى.
ءىس-شارا سوڭىندا بارلىق قوناقتار قازاقستان رەسپۋبليكاسى پرەزيدەنتىنىڭ اتىنان جاڭا جىلدىق سىيلىقتار الدى.