قارلى، جاڭبىرلى اۋا-رايىندا كولىكتەردىڭ ءنومىرىن قار نەمەسە بالشىق باسىپ قالىپ جاتادى. سايكەسىنشە مەملەكەتتىك نومىرلەر كورىنبەي قالۋى مۇمكىن. بۇل اسىرەسە الىس جولدا جۇرگەن جۇرگىزۋشىلەرگە قاتىستى. ال مەملەكەتتىك ءنومىر كورىنبەسە جۇرگىزۋشىگە قانشا تەڭگە ايىپپۇل سالىنادى؟
مۇنداي كولىك جۇرگىزۋشىلەرىنە اكىمشىلىك قۇقىقبۇزۋشىلىق تۋرالى كودەكستىڭ 590-بابى، 1-بولىگى "كولىك قۇرالدارىن پايدالانۋ ەرەجەلەرىن بۇزۋ" بويىنشا ايىپپۇل سالىنادى. اكىمشىلىك جازانىڭ مولشەرى 17 250 تەڭگەنى قۇرايدى، دەپ حابارلايدى اlmaty-akshamy.kz. سوندىقتان جۇرگىزۋشىلەر اينالاسىن قار باسقان كولىكتەرىن تازالاۋ قاجەت. كەلەسى جىلدان باستاپ بۇل ايىپپۇلدىڭ كولەمى 19 مىڭ تەڭگەگە وسپەك. ال ەگەردە اكىمشىلىك قۇقىقبۇزۋشىلىق ءبىر جىلدىڭ ىشىندە قايتالانار بولسا تەمىر تۇلپار تىزگىندەگەندەر 69 000 تەڭگە تولەۋى ءتيىس.
سوندىقتان كولىك نومەرى جىل ون ەكى اي تەحنيكالىق تالاپتارعا سايكەس انىق كورىنۋى ءتيىس. سەبەبى جۇرگىزۋشىلەر تەك ءوزىنىڭ ومىرىنە عانا ەمەس، جانىنداعى ادامداردىڭ دا ومىرىنە، قالا تۇرعىندارىنىڭ قاۋىپسىزدىگىنە جاۋاپ بەرەدى. ايتا كەتەيىك بەينەباقىلاۋ كامەراسىنا تۇسپەيتىن ارنايى جابىندى قولدانعاندارعا دا ايىپپۇل سالىنادى.