بۇل تۋرالى ناۋرىزباي اۋدانىنىڭ پروكۋرورلارى Facebook جەلىسىندە مالىمدەدى.
ناۋرىزباي اۋدانىنىڭ پروكۋراتۋراسى بىرنەشە جىلدان بەرى تۇرعىن ءۇي كەشەنىن باسقارۋعا قاتىستى ماسەلەلەر تۇرعىندار اراسىندا نارازىلىق پەن كەلىسپەۋشىلىكتىڭ تۋىنداۋىنا اكەلگەن، دەپ حابارلايدى Almaty-akshamy.kz Egemen.kz-كە سىلتەمە جاساپ.
ازاماتتاردىڭ وتىنىشتەرى مەن باسقا دا ماتەريالدارعا جۇرگىزىلگەن تالداۋ ناتيجەلەرىمەن سوتقا دەيىنگى تەرگەپ-تەكسەرۋدى باستاۋ ءۇشىن جەتكىلىكتى نەگىزدەر بار ەكەندىگى انىقتالدى. ساراپتاما قورىتىندىسى بويىنشا پاتەر يەلەرى كووپەراتيۆىنىڭ ەسەپشوتىندا 70 ميلليون تەڭگەدەن استام قاراجات جەتىسپەيتىنى انىقتالدى. تۇرعىندار نىساندى كۇتىپ ۇستاۋ بويىنشا قىزمەتتەر ءۇشىن تولەگەن، ءبىراق قارجى قالانىڭ كوممۋنالدىق قىزمەتتەرىنە تۇسپەگەن.
«وسىنى ەسكەرە وتىرىپ، اۋدان پروكۋراتۋراسىمەن پيك-تىڭ بۇرىنعى ءتوراعاسىن كۇدىكتى دەپ تانۋ تۋرالى شەشىم كەلىسىلدى، ق ر قك-نىڭ 189-بابى 4-بولىگى 2-تارماعى (ياعني اسا ءىرى مولشەردە جاسالعان بوتەننىڭ مۇلكىن ۇرلاۋ) بويىنشا ونىڭ ارەكەتتەرىنىڭ بىلىكتىلىگى انىقتالدى. سونداي-اق پروكۋراتۋرا جاسالعان قىلمىستىڭ اۋىرلىعىن ەسكەرە وتىرىپ، تەرگەۋ ورگاننىڭ بۇرىنعى پيك ءتوراعاسىن قاماۋعا الۋ قاجەتتىلىگى تۋرالى ءوتىنىشىن قولدادى، ول كەيىننەن سوتتىڭ سانكسياسىمەن قاماۋعا الىندى. قازىرگى ۋاقىتتا تەرگەۋ جالعاسىپ جاتىر. تەرگەۋ اياقتالعاننان كەيىن قىلمىستىق ءىستى قاراۋ جانە تۇپكىلىكتى ۇكىم شىعارۋعا سوتقا جىبەرىلەدى»، - دەپ حابارلادى پروكۋراتۋرادان.
پروكۋراتۋرانىڭ قابىلداعان شارالارىمەن كوممۋنالدىق قىزمەتتەر الدىنداعى بەرەشەكتەرىنە قاراماستان، وسى تۇرعىن ءۇي كەشەنى ەلەكترمەن جانە جىلۋمەن جابدىقتاۋدان اجىراتۋعا جول بەرىلگەن جوق.