قازاقستاندا ورمانشىلاردى دايارلاۋدىڭ وڭىرلىك ورتالىعى مەن ازيا ورمان ىنتىماقتاستىعى ۇيىمىنىڭ وكىلدىگىن اشۋ جوسپارلانىپ وتىر

بۇل تۋرالى سەۋلدە وتكەن دۇنيەجۇزىلىك كونگرەستە بەلگىلى بولدى.

فورۋمعا قازاقستانمەن بىرگە 144 مەملەكەتتىڭ وكىلدەرى قاتىستى. ءىس-شارادا ءبىزدىڭ دەلەگاسيا كورەيالىق ارىپتەستەرىنىڭ ورمان وسىرۋدەگى تاجىريبەسىمەن تانىسىپ، بىرىككەن ۇلتتار ۇيىمىنىڭ جاسىل كليمات قورىنان قارجىلاندىرۋعا يە بولۋ مۇمكىندىكتەرىن زەرتتەدى، دەپ حابارلايدى Almaty-akshamy.kz

ەسكە سالساق، 2018 جىلى كورەيا ورمان قىزمەتىنىڭ ماماندارى ارال تەڭىزىنىڭ قۇرعاعان تابانىنا سەكسەۋىل ەگۋ جۇمىستارىنا كومەكتەسكەن.

«قىتايداعى شولەيتتەنۋگە قارسى جوباعا، قازاقستانداعى جوبالارعا قاتىستىم. ارالدىڭ تابانى تەڭىز دەڭگەيىنەن بيىكتە ورنالاسقان، سوندىقتان ءشول دالامەن سالىستىرعاندا ناتيجەگە جەتۋ وتە قيىن. وسىعان قاراماستان، قازاقستاننىڭ بۇل باعىتتا قاجەت تاجىريبەسى بار. ماماندارىڭىز جەرگىلىكتى كليماتقا ساي كوشەت وتىرعىزۋدىڭ قولايلى ءادىسىن تابا الدى»، - دەيدى پروفەسسور سون ءو حۆان كورو.

«پرەزيدەنتتىڭ تاپسىرماسىمەن 2025 جىلعا دەيىن 1 ميلليون 100 مىڭ گەكتارعا سەكسەۋىل ەگىلۋ كەرەك. بۇل باعىتتا ءبىراز جۇمىس اتقاردىق. وتكەن جىلى 100 مىڭ گەكتار القاپقا اعاش وتىرعىزىلدى. بيىل كوكتەمدە دە جۇمىستار جۇرگىزىلدى. ەندى ءبىز جىل سايىن 250 مىڭ گەكتار جەرگە اعاش وتىرعىزامىز»، - دەدى ق ر ەكولوگيا، گەولوگيا جانە تابيعي رەسۋرستار ۆيسە-مينيسترى ءاليا شالابەكوۆا.