ۇقىپتىلىق – ۇتقىرلىقتىڭ بەلگىسى

جيناقىلىق - جاسامپازدىقتىڭ نىشانى

اكىم ىسقاق «ۇقىپتىلىق اتاۋلىنىڭ ىشىندەگى ەڭ جاقسىسى - ۇقىپتى سويلەۋ» دەپتى. ونىسى – راس. ءار ادامنىڭ ىشكى جان-دۇنيەسى ىزگىلىك، ادالدىق، مەيىرباندىق سىندى قاسيەتتەرگە تولى بولسا، سىرتقى سۇلباسى دا جادىرايدى.

ءىسى نىق جان. وسى تاقىرىپشانى ارنايى تاۋىپ قويدىق. ويتكەنى، ءسوز بەن ءىستىڭ قابىسۋى، ادامنىڭ قانداي قاسيەتتەرگە يە ەكەندىگىن اڭعارتادى. اسىرەسە، جاپون، كارىس، جۇڭگو سىندى ەلدەردە قاتتى باعالاناتىن كورىنەدى. بەرىلگەن تاپسىرمانى ۋاقىتىلى ورىنداۋ كورسەتكىش بولىپ تابىلاتىنعا ۇقسايدى. مىنە، سونىڭ ناتيجەسىندە ءبىرقاتار كريتەرييلەر قالىپتاسادى. باستىسى - ۇقىپتىلىق، شەبەرلىك، كاسىبيلىك.

بۇل اتالعان العىشارتتار ارقىلى تۇلعانىڭ بىلىكتىلىگىن باعامدايدى. سونداي-اق، قىزمەتتى وسىرەدى، بەلگىلى ءبىر دەڭگەيدە دارەجە بەرەدى. وسىنداي قاراپايىم نارسەلەر ادامعا ۇلكەن سەرپىن بەرەدى. ونى قاناتتاندىرادى. بولاشاققا نىق قادام باسۋعا ۇندەيدى. سوڭعى ۋاقىتتارى وسىنداي قاعيداتتار بىزدە دە قارقىن الىپ كەلەدى.

ءتۇيىن. ۇقىپتى بولۋعا كوپ نارسە قاجەت ەمەس. ەڭ نەگىزگىسى ءىسىڭ تياناقتى، ءسوزىڭ جيناقى بولسا، وزعانىڭىز. بۇدان اسقان اسپەتتەۋدى كورىپ تۇرعانىمىز جوق. ءسوز سوڭىندا ايتارىمىز، ۇقىپتىلىقتى ءبارى سۇيەدى.