الماتى قالاسى پوليسيا دەپارتامەنتىندە بيىلعى جىلدىڭ توعىز ايىنداعى جەدەل-قىزمەتتىك قىزمەتتىڭ قورىتىندىلارى تالقىلانىپ، الداعى كەزەڭدەگى باسىم باعىتتار ايقىندالدى.
جيىندى پوليسيا دەپارتامەنتىنىڭ باستىعى ارىستانعاني زاپپاروۆ وتكىزدى. كەڭەسكە دەپارتامەنت باسشىسىنىڭ ورىنباسارلارى، باسقارما مەن ءبولىم باسشىلارى، سونداي-اق قالالىق اۋماقتىق بولىمشەلەردىڭ جەتەكشىلەرى قاتىستى. باسقوسۋ بارىسىندا ىشكى ىستەر ورگاندارىنىڭ جەدەل-قىزمەتتىك جۇمىسىنىڭ ناتيجەلەرى قارالىپ، وزەكتى ماسەلەلەر تالقىلاندى جانە كەلەشەكتەگى مىندەتتەر بەلگىلەندى.
– الماتى قالاسىنداعى كريمينوگەندىك جاعداي تۇراقتى ءارى تولىق باقىلاۋدا. بارلىق باعىتتار بويىنشا قىلمىستىق قۇقىقبۇزۋشىلىقتار سانى 12 پايىزعا تومەندەدى. اۋىر جانە اسا اۋىر قىلمىستاردى اشۋ دەڭگەيى دە جاقساردى. ىشكى ىستەر ءمينيسترى جاريالاعان پروفيلاكتيكا جىلى اياسىندا قۇقىقبۇزۋشىلىقتاردىڭ الدىن الۋعا، ازاماتتاردىڭ قۇقىقتىق ساناسىن ارتتىرۋعا جانە مەملەكەت باسشىسى قاسىم-جومارت توقايەۆ ۇسىنعان "زاڭ جانە ءتارتىپ" قاعيداتىن قوعامدا ورنىقتىرۋعا ەرەكشە نازار اۋدارىلۋدا، – دەدى ارىستانعاني زاپپاروۆ.
سونىمەن قاتار دەپارتامەنت باستىعى ەسىرتكى قىلمىستارى، ينتەرنەت-الاياقتىق، تۇرمىستىق زورلىق-زومبىلىق جانە جەكە تۇلعاعا قارسى قىلمىستارعا قارسى كۇرەس باعىتىنداعى كەشەندى جۇمىستاردىڭ جالعاسىپ جاتقانىن اتاپ ءوتتى. سونداي-اق جاسوسپىرىمدەر قىلمىسىنىڭ الدىن الۋ جانە كامەلەتكە تولماعانداردىڭ قۇقىقتارىن قورعاۋ ماسەلەلەرىنە دە باسىم كوڭىل بولىنۋدە. جول قوزعالىسى قاۋىپسىزدىگىن قامتاماسىز ەتۋ مەن جول-كولىك وقيعالارىنىڭ الدىن الۋ ماقساتىندا كولىك قوزعالىسىن جانە جول قوزعالىسىنا قاتىسۋشىلاردىڭ ءتارتىبىن باقىلاۋعا ارنالعان سيفرلىق تەحنولوگيالاردى ەنگىزۋ قارقىندى جۇرگىزىلۋدە. سونىمەن بىرگە، ازاماتتىق قوعام ينستيتۋتتارىمەن ءوزارا ءىس-قيمىلدى ارتتىرۋ، پوليسياعا دەگەن سەنىمدى نىعايتۋ جانە تۇرعىنداردى پروفيلاكتيكالىق شارالارعا تارتۋ باعىتىنداعى جۇمىستار جۇيەلى تۇردە جالعاسىپ كەلەدى. كەڭەس قورىتىندىسىندا ارىستانعاني زاپپاروۆ باستى ماقسات – ازاماتتاردىڭ قاۋىپسىزدىگىن قامتاماسىز ەتۋ، قوعامدىق ءتارتىپتى ساقتاۋ جانە قۇقىقبۇزۋشىلىقتاردىڭ الدىن الۋ ەكەنىن اتاپ ءوتتى. الماتى قالاسى پوليسياسى شاھارداعى تىنىشتىق پەن تۇراقتىلىقتى قامتاماسىز ەتە وتىرىپ، "زاڭ جانە ءتارتىپ" قاعيداتىن بەرىك ۇستانۋدى جالعاستىرادى.