قاراعاندىدا 273 مىڭ تەڭگەنىڭ كيىمىن ۇرلاعان كۇدىكتى ۇستالدى.
قاراعاندى قالاسىنداعى ءىرى ساۋدا ورتالىقتارىنىڭ بىرىندە ورنالاسقان بۋتيككە ۇرلىققا تۇسكەن ەر ادام پوليسيا قىزمەتكەرلەرىمەن ۇستالدى، - دەپ حابارلايدى Aqshamnews.kz.
وقيعا بارىسىندا بەلگىسىز ازامات جالپى قۇنى 273 مىڭ تەڭگە بولاتىن كيىم-كەشەكتى جاسىرىن تۇردە الىپ كەتكەن. ساۋدا ورنى يەسىنە ەلەۋلى ماتەريالدىق شىعىن كەلتىرىلگەن. قاراعاندى وبلىسىنىڭ پوليسيا دەپارتامەنتى قىزمەتكەرلەرى قىلمىس تۋرالى حابار تۇسكەن ساتتەن باستاپ جەدەل ءىس-شارالار كەشەنىن جۇرگىزدى.
ناتيجەسىندە 34 جاستاعى قاراعاندى تۇرعىنى انىقتالىپ، ۇستالدى. تەرگەۋ كەزىندە كۇدىكتىنىڭ بۋتيككە بىرنەشە رەت كىرىپ، ءار كەلگەن سايىن وزىنە ۇناعان تاۋارلاردى جاسىرىن الىپ شىققانى انىقتالدى. وسىلايشا ول قىمبات كيىمدەردى كەزەڭ-كەزەڭىمەن ۇرلاپ، دۇكەن قىزمەتكەرلەرىنىڭ نازارىن اۋدارتپاعان. قازىرگى ۋاقىتتا اتالعان فاكتى بويىنشا قىلمىستىق كودەكستىڭ 188-بابى (ۇرلىق) بويىنشا سوتقا دەيىنگى تەرگەۋ امالدارى جۇرگىزىلۋدە. ۇرلانعان زاتتار تابىلىپ، يەسىنە قايتارىلدى. كۇدىكتى ۋاقىتشا ۇستاۋ يزولياتورىنا قامالدى.