الماتى پوليسياسى قاراقشىلىق شابۋىل جاسادى دەگەن كۇدىكپەن ءبىر توپ ادامدى ۇستادى.
بەلگىلى بولعانداي، كۇدىكتىلەر جابىرلەنۋشىنى پاتەرگە شاقىرۋ ءۇشىن تانىسۋ سايتىن پايدالانىپ، وعان كۇش قولدانىپ، ءىرى كولەمدەگى اقشاسىن تارتىپ العان. بۇل دەرەك بويىنشا قىلمىستىق ءىس قوزعالدى، دەپ حابارلايدى aqshamnews.kz Polisia.kz-كە سىلتەمە جاساپ.
جەدەل-ىزدەستىرۋ ءىس-شارالارى بارىسىندا كريمينالدىق پوليسيا قىزمەتكەرلەرى اۋداندىق پوليسيا قىزمەتكەرلەرىمەن بىرلەسىپ، ءۇش كۇدىكتىنى ۇستادى. ولاردىڭ بارلىعى ءوز كىنالارىن مويىنداپ، ۇرلانعان زاتتاردىڭ ءبىر بولىگى تاركىلەندى.
— كۇدىكتىلەر قۇرباندارمەن بايلانىس ورناتۋ ءۇشىن ونلاين پلاتفورمالاردى ءبىرىنشى رەت پايدالانىپ وتىرعان جوق. ءبىز ەسكەرتەمىز: ادامدارمەن جەلىدە تانىسقان كەزدە وتە ساق بولىڭىز. تانىس ەمەس جەرلەردە كەزدەسۋگە كەلىسپەڭىز، اسىرەسە پاتەرگە شاقىرعان بولسا. كىشكەنە كۇمانىڭىز بولسا، پوليسياعا حابارلاسىڭىز. ۆيرتۋالدى كەڭىستىككە سەنىم ارتۋ ناعىز قاۋىپكە اينالۋى مۇمكىن ەكەنىن ەسكەرتەمىز، — دەدى الماتى قالالىق پد كريمينالدىق پوليسيا باسقارماسىنىڭ باستىعى تالانت يسايەۆ.