الماتى پوليسياسى «بورىشكەر» جەدەل-پروفيلاكتيكالىق ءىس-شاراسىن وتكىزۋدە
الەۋمەتتىك جەلى قولدانۋشىلارى جول ساقشىلارىنىڭ ەرەكشە كولىكتەرىن قىزۋ تالقىلاپ جاتىر. سەبەبى كولىكتىڭ توبەسىنە «سەرگەك» كامەراسى ورناتىلعان، دەپ حابارلايدى Almaty-akshamy.kz قازاقپارات سايتىنا سىلتەمە جاساپ.
الماتى قالالىق پوليسيا دەپارتامەنتىنىڭ مالىمەتىنشە، قالادا ايىپپۇل تولەمەي جۇرگەندەردى انىقتايتىن «بورىشكەر» جەدەل-پروفيلاكتيكالىق ءىس-شاراسى ءوتىپ جاتىر.
«الماتى پوليسياسى «بورىشكەر» جەدەل الدىن الۋ ءىس-شاراسىن جۇرگىزۋدە. جول قوزعالىسى كوپ جەرلەردە شارانى وتكىزۋگە جول-پاترۋلدىك پوليسياسىنىڭ اۆتوكولىك ەكيپاجى قاتىسادى. اكىمشىلىك ايىپپۇلدار بويىنشا بەرەشەگى بار بورىشكەرلەردى اۆتوماتتى تۇردە ەسەپتەيتىن «جقق» ااج جانە «سەرگەك» اوك دە قولدانىلادى»،- – دەدى الماتى قالالىق پد اكىمشىلىك پوليسيا باسقارماسىنىڭ باستىعى نۇرلان امانبەك.
قۇقىق بۇزۋشىنىڭ كولىگى مامانداندىرىلعان ايىپپۇل تۇراعىنا قويىلادى.
«جوسپارلانعان كەزەڭدىك ءىس-شارا شەكتەۋلەرى بار ادامدار مەن كولىك قۇرالدارىن انىقتاۋعا، سونداي-اق اكىمشىلىك قۇقىق بۇزۋشىلىق تۋرالى ءىس بويىنشا مىندەتتەمەلەردى ەرىكتى تۇردە، زاڭمەن بەلگىلەنگەن مەرزىمدە ورىنداماعان ادامداردى انىقتاۋعا باعىتتالعان. قوزعالىپ كەلە جاتقان كولىك اعىنىنىڭ اراسىندا جۇيە قۇقىق بۇزۋشىنىڭ كولىگىن انىقتايتىن بولسا، ينسپەكتور كولىكتى توقتاتادى جانە توقتاۋ سەبەبىن تۇسىندىرەدى. سودان كەيىن قۇقىق بۇزۋشىنىڭ كولىگى مامانداندىرىلعان ايىپپۇل تۇراعىنا قويىلادى. تۇرۋ ورنىندا قازاقستان رەسپۋبليكاسىنىڭ اكىمشىلىك قۇقىق بۇزۋشىلىق تۋرالى كودەكسىنە سايكەس تاركىلەۋ حاتتاماسى جاسالادى. مۇنداي اكىمشىلىك شارالار قۇقىق بۇزۋشىلاردىڭ زاڭدى مىندەتتەمەلەردى ۋاقىتىندا ورىنداۋىنا ءتيىمدى اسەر ەتەدى دەپ ەسەپتەيمىن»، – دەدى پوليسيا وكىلى.
سونداي-اق، ءىس-شاراعا وڭىرلىك جەكە سوت ورىنداۋشىلار پالاتاسىنىڭ سوت ورىنداۋشىلارى مەن الماتى قالاسى پروكۋراتۋراسىنىڭ قىزمەتكەرلەرى قاتىسادى.
بارلىق قۇقىقتار قورعالعان. inform.kz بەلسەندى سىلتەمەنى پايدالانىڭىز https://www.inform.kz/kz/almatyda-policiya-koligine-sergek-kamerasy-ornatyldy_a3839662