سودا ءوندىرىسى داميدى
قازاقستاندا كالسييلەنگەن سودا وندىرەتىن العاشقى كاسىپورىن سالىنادى، دەپ حابارلايدى Almaty-akshamy.kz Qazaqtv.com سايتىنا سىلتەمە جاساپ.
بۇل – شىنى، حيميا، مەتاللۋرگيا، تاۋ-كەن ءوندىرىسى جانە توقىما ونەركاسىبى سالالارىن دامىتۋدا اسا قاجەت ءونىم. قۇنى 400 ملن دوللار بولاتىن جوبا تۇرىك ينۆەستورلارىنىڭ قاتىسۋىمەن جۇزەگە اسىرىلادى. ەرەكشەلىگى: ءونىم ءوندىرىسى بارىسىندا تەك ەكولوگيالىق تازا جانە قالدىقسىز تەحنولوگيالار قولدانىلاتىن بولادى.
زاۋىت قۇرىلىسى بيىلعى جىلدىڭ III توقسانىندا باستالادى دەپ كۇتىلۋدە. قۇرىلىس جۇمىستارى 3 جىلعا جوسپارلانعان. باستاپقى كەزەڭدە زاۋىتتىڭ وندىرىستىك قۋاتى جىلىنا 500 مىڭ توننا ءونىمدى قۇراپ، ونى 1 ملن تونناعا دەيىن جەتكىزۋ كوزدەلگەن.
بۇل ءبىزدىڭ ەلىمىزگە كالسييلەنگەن سودا يمپورتىنان قۇتىلىپ قانا قويماي، جۇڭگو، تۇركيا، اقش جانە رەسەي سياقتى جەتەكشى وندىرۋشىلەرمەن ءبىر قاتاردا تۇرۋعا مۇمكىندىك بەرەدى.
بۇدان باسقا ىشكى قاجەتتىلىكتەردى وتەۋمەن قاتار، بولاشاقتا قازاقستان تاۋاردى جۇڭگو مەن تمد ەلدەرىنە ەكسپورتتاي الادى.