جارنامالىق جابدىقتى زاڭدى تۇردە ورناتۋ ءۇشىن ارنايى رۇقسات الۋ كەرەك.
سوڭعى ۋاقىتتا قالا جولدارىندا جارنامالىق قۇرىلىمدارى، ونىڭ ىشىندە ەلەكتروندى ديسپلەيى بار كولىكتەر جيىلەپ كەتتى، دەپ حابارلايدى aqshamnews.kz Polisia.kz-كە سىلتەمە جاساپ.
— ولاردى ورناتۋ — كولىك قۇرالىنىڭ قۇرىلىمىن وزگەرتۋ، بۇل جول قاۋىپسىزدىگىنە اسەر ەتۋى مۇمكىن ەكەنىن ەسكە سالامىز. جارنامالىق جابدىقتى زاڭدى تۇردە ورناتۋ ءۇشىن ارنايى رۇقسات الۋ كەرەك. بۇل وزگەرىستەردىڭ قاۋىپسىزدىك تالاپتارىن بۇزبايتىنىن راستاۋ ءۇشىن الدىن الا تەحنيكالىق باعالاۋدى قاجەت ەتەدى. سونىمەن قاتار جارناما قۇرىلىمدارى بەلگىلەنگەن ستاندارتتارعا سايكەس كەلۋى كەرەك. ولار جۇرگىزۋشىلەرگە كەدەرگى كەلتىرمەۋى، جول قوزعالىسىنا قاتىسۋشىلاردىڭ نازارىن اۋدارماۋى نەمەسە جول-كولىك وقيعاسى كەزىندە ءقاۋىپ توندىرمەۋى كەرەك، - دەدى الماتى قالالىق پد اكىمشىلىك پوليسيا باسقارماسىنىڭ باستىعى اسحات قۇلبايەۆ.
قۇلبايەۆ قولدانىستاعى زاڭناما تالاپتارىن بۇزعانى ءۇشىن ق ر اقبتك-نىڭ 590-بابى 5ء-بولىمى جانە 590-بابى 7-بولىمىنە سايكەس جاۋاپكەرشىلىك قاراستىرىلعانىن اتاپ ءوتتى.