الماتى قالاسىنىڭ ەسىرتكى قىلمىسىنا قارسى كۇرەس باسقارماسىنىڭ قىزمەتكەرلەرى ينتەرنەت ارقىلى تىيىم سالىنعان زاتتاردى تاراتۋ ىسىمەن اينالىسقان ناركوكۋرەردى ۇستادى.
جەدەل ءىس-شارالار بارىسىندا كۇدىكتىدەن سينتەتيكالىق ەسىرتكىنىڭ ءىرى پارتياسى، سونداي-اق قاپتامالار مەن ەلەكتروندى تارازىلار تاركىلەندى، دەپ حابارلايدى aqshamnews.kz Polisia.kz-كە سىلتەمە جاساپ.
ونىڭ قىلمىستىق قىزمەتى ءۇشىن سىياقىنى كريپتوۆاليۋتا ارقىلى العانى انىقتالدى. اتالعان فاكت بويىنشا قىلمىستىق ءىس قوزعالىپ، ساراپتامالار تاعايىندالىپ، تەرگەۋ امالدارى جۇرگىزىلىپ جاتىر.
- سينتەتيكالىق ەسىرتكىلەر قوعامعا، اسىرەسە جاستارعا ۇلكەن ءقاۋىپ توندىرەدى. ءبىز ولاردىڭ تارالۋىمەن كۇرەستى ودان ءارى جالعاستىرامىز جانە ازاماتتاردى مۇنداي وقيعالار تۋرالى دەرەۋ حابارلاۋعا شاقىرامىز. تەك بىرلەسكەن كۇش-جىگەرىمىزبەن عانا بولاشاعىمىزدى وسى قاۋىپتەن ساقتاي الامىز، – دەدى الماتى قالالىق پوليسيا دەپارتامەنتىنىڭ ەسىرتكى قىلمىسىنا قارسى كۇرەس باسقارماسىنىڭ باستىعى مۇرات جۇماباي.