قازاقستان اراب ەلدەرىنىڭ تۋريستەرى ءۇشىن ورازا ايت-2025 مەرەكەسى كەزىندەگى تانىمال باعىتتاردىڭ قاتارىنا ەندى. وتكەن جىلى ءبىزدىڭ ەلىمىز وسى ايماقتاعى تەز دامىپ كەلە جاتقان تۋريستىك باعىتتاردىڭ رەيتينگىن باسقارعان.
Khaleej Times زەرتتەۋى بويىنشا ءباا تۇرعىندارىنىڭ 60%-ى ورازا ايت مەرەكەسىن اتاپ ءوتۋ ءۇشىن شەتەلگە ساياحاتتايدى جانە ولاردىڭ كوبى وتباسىلىق دەمالىس ءۇشىن بيۋدجەتتىك ۆيزاسىز باعىتتاردى تاڭدايدى، دەپ حابارلايدى aqshamnews.kz.
باسىلىمدا ترەندتىك ەلدەردىڭ قاتارىنا قازاقستانمەن قاتار ازەربايجان، گرۋزيا، وزبەكستان، قىرعىزستان، ارمەنيا كىرگەنى اتاپ وتىلگەن. ولاردىڭ بارلىعى ۆيزالىق رەجيمنىڭ قولايلىعىمەن ەرەكشەلەنەدى. Gulf times قىسقا قاشىقتىققا ساياحاتتاۋدىڭ تانىمالدىعى ارتا تۇسكەنىن كورسەتەدى.
اسىرەسە، ەكسپاتريانتتار اراسىندا ۆيزالىق جەڭىلدىكتەر ۇسىناتىن ەلدەرگە بارۋعا سۇرانىس كوبەيگەن. بۇل رەتتە قازاقستانعا، گرۋزياعا، ءازىربايجانعا، ەگيپەتكە جانە يوردانياعا ساپارلار تانىمال بولا تۇسۋدە.
- Middle East Economic ورازا ايت-2025 مەرەكەسى كەزىندە بارۋعا بولاتىن 15 ترەندتىك باعىتتى بەلگىلەدى. قازاقستاننىڭ ءباا تۋريستەرى اراسىندا تانىمالدىعى مادەني مۇرا مەن تابيعي لاندشافتتاردىڭ الۋان تۇرلىلىگىمەن عانا ەمەس، سونداي-اق قولجەتىمدىلىگىمەن دە تۇسىندىرىلەدى. "قازاقستان - ورتالىق ازياداعى ەڭ ءىرى ەل، زاماناۋي قالالاردى، بىرەگەي تابيعي لاندشافتتاردى جانە باي مادەني مۇرانى بىرىكتىرەدى. ەلوردا استاناسى بايتەرەك مونۋمەنتى مەن حان شاتىردى قوسا العاندا، فۋتۋريستىك ساۋلەتىمەن تاڭ قالدىرادى. الماتى ءوزىنىڭ جارقىن مادەنيەتىمەن، مەدەۋ مۇز ايدىنى مەن شىمبۇلاق تاۋ كۋرورتى سياقتى كورىكتى جەرلەرىمەن تانىمال. تابيعات سۇيەر قاۋىم “قازاقستاندىق گراند-كانون” اتالىپ كەتكەن شارىن شاتقالىن نەمەسە جانعا تىنىشتىقتى سىيلايتىن كولساي كولدەرىن زەرتتەي الادى. “التىن-ەمەل" ۇلتتىق پاركىنىڭ جۇمباق بارقاندارى جانە تۇركىستانداعى قوجا احمەت ياساۋي تاريحي كەسەنەسى ەلگە بىرەگەيلىك قوسىپ، ونى ورازا ايت 2025 مەرەكەسى كەزىندە بارۋعا بولاتىن ەڭ جاقسى ورىنداردىڭ بىرىنە اينالدىرادى،- دەپ كورسەتىلگەن ماتەريالدا.
ايتا كەتەيىك، قازاقستاندا تۋريزمگە سالىنعان ينۆەستيسيا كولەمى 20،3%-عا ارتتى.