الماتىدا پوليسيا قىزمەتكەرلەرى سينتەتيكالىق ەسىرتكى ساتتى دەگەن كۇدىكپەن 37 جاستاعى ەر ادامدى ۇستادى، دەپ حابارلايدى aqshamnews.kz Polisia.kz-كە سىلتەمە جاساپ.
— ونىڭ Mitsubishi اۆتوكولىگىن ءتىنتۋ كەزىندە ۇنتاقتى زات سالىنعان بايلام تابىلدى. سوت-حيميالىق ساراپتاما، ونىڭ جالپى سالماعى شامامەن 500 گرامم بولاتىن مەفەدرون ەكەنىن راستادى. كۇدىكتى قاماۋعا الىندى. الماتى قالاسىنا ءشوپتى جەتكىزۋ ارناسىن انىقتاۋ بويىنشا جەدەل شارالار كەشەنى جۇرگىزىلۋدە. سونداي-اق ۇستالعان ازاماتتىڭ ەسىرتكى بەتبەلگىسىن قويۋمەن اينالىسقاندىعى بەلگىلى بولدى. ەسىرتكى ساتۋ دەرەگى بويىنشا قىلمىستىق ءىس قوزعالدى، - دەدى جەتىسۋ اۋداندىق پوليسيا باسقارماسىنىڭ باستىعى جانىبەك شىناسىلوۆ.
ق ر قك-نىڭ 201-بابىنا سايكەس وزگە اقپارات تەرگەۋ مۇددەسىنە وراي جاريا ەتىلمەيدى.