الماتىدا پوليسەيلەر ستۋدەنتتەر اراسىندا قۇقىقتىق ءبىلىم بەرۋدى كۇشەيتۋدە

الماتىدا پوليسەيلەر ستۋدەنتتەر اراسىندا قۇقىقتىق ءبىلىم بەرۋدى كۇشەيتۋدە سۋرەت: Polisia.kz

"زاڭ جانە ءتارتىپ" قاعيداتى مەن "پروفيلاكتيكا جىلى" اياسىندا الماتى قالاسىنىڭ ۇيىمداسقان قىلمىسقا قارسى كۇرەس قىزمەتكەرلەرى جوعارى وقۋ ورىندارى مەن كوللەدج ستۋدەنتتەرىنە ارنالعان قۇقىقتىق وقىتۋ سيكلىن وتكىزدى.

ءىس-شارانىڭ باستى ماقساتى – جاستار اراسىنداعى قۇقىق بۇزۋشىلىقتىڭ الدىن الۋ، ستۋدەنتتەردىڭ قۇقىقتىق ساۋاتتىلىعىن ارتتىرۋ جانە زاڭعا باعىنۋشىلىق مادەنيەتىن قالىپتاستىرۋ، - دەپ حابارلايدى Aqshamnews.kz Polisia.kz-كە سىلتەمە جاساپ. 

 پوليسەيلەر ساباق بارىسىندا قۇقىق بۇزۋشىلىق تۇرلەرى مەن ولاردىڭ سالدارى تۋرالى ايتىپ، ناقتى ومىرلىك مىسالدار كەلتىردى. سونداي-اق زاڭدى ءبىلۋدىڭ جانە ونى ساقتاۋدىڭ ازاماتتىق جاۋاپكەرشىلىكتى ارتتىرۋداعى ماڭىزىن ءتۇسىندىردى.

– بىزگە دەنى ساۋ، بەلسەندى ءارى زاڭدى قۇرمەتتەيتىن جاستار قاجەت. "زاڭ جانە ءتارتىپ" قاعيداتى تەك پوليسيا قىزمەتىندە عانا ەمەس، ءومىرىمىزدىڭ بارلىق سالاسىندا، سونىڭ ىشىندە ءبىلىم بەرۋ جۇيەسىندە دە بولۋى ءتيىس. پروفيلاكتيكالىق جۇمىستىڭ نەگىزگى ءمانى – جاستاردى سانالى قوعام مۇشەسى رەتىندە قالىپتاستىرۋ، – دەدى الماتى قالالىق پوليسيا دەپارتامەنتى ۇيىمداسقان قىلمىسقا قارسى كۇرەس باسقارماسىنىڭ باستىعى جانات نۇرعالييەۆ.

پوليسيا دەپارتامەنتىنىڭ مالىمەتىنشە، مۇنداي كەزدەسۋلەر قۇقىق قورعاۋ ورگاندارى مەن وقۋ ورىندارى اراسىنداعى ءوزارا ىنتىماقتاستىقتى نىعايتىپ، جاستاردىڭ جەكە جانە قوعامدىق قاۋىپسىزدىككە جاۋاپكەرشىلىكپەن قاراۋىنا ىقپال ەتەدى.


ءسىزدىڭ رەاكسياڭىز؟
ۇنايدى
0
ۇنامايدى
0
كۇلكىلى
0
شەكتەن شىققان
0
سوڭعى جاڭالىقتار

17:45

17:28

17:11

17:07

16:50

16:32

16:10

15:52

15:33

15:24

15:01

14:40

14:36

14:28

14:13

13:53

13:07

12:51

12:42

12:38

12:17

11:59

11:41

11:37

11:18