وبلىستىق تاريحي-ولكەتانۋ مۋزەيىنىڭ ماماندارى قۇندى جادىگەر سوناۋ بور داۋىرىندە مەكەندەگەن تىرشىلىك يەسىنىڭ قاڭقاسى بولۋى مۇمكىن دەگەن بولجام جاساپ وتىر.
ەكسپەديسيا قارماقشى اۋدانىنىڭ ورتالىعىنان سولتۇستىككە قاراي 90 شاقىرىم جەردە جۇرگىزىلگەن، - دەپ حابارلايدى Aqshamnews.kz.
بۇل ماڭدى عالىمدار شاح-شاح شاتقالى دەپ اتايدى. الداعى ۋاقىتتا تابىلعان بۇيىمداردى ناقتىلاۋ ءۇشىن پالەونتولوگتارعا جولدانباق.
- قازاقستاندا پالەونتولوگيالىق كەشەندەر وتە ساناۋلى عوي. سوندىقتان كەشەگى تابىلعان جادىگەرلەردىڭ كوبىسى باعا جەتپەس قۇندى جادىگەرلەر. الداعى ۋاقىتتا پالەونتولوگتارمەن جۇمىس جاسايمىز. بۇل ۇلكەن سەنساسيالىق جاڭالىق بولىپ تۇر. جالپى كەلەشەكتە بۇل جەر تۋريستىك نىسانعا اينالدىرۋعا ءتيىستى جەرلەردىڭ ءبىرى بولىپ تابىلادى. بۇل الەمدىك دەڭگەيدە، ەۋروپالىق عالىمداردىڭ قىزىعۋشىلىعىن تۋدىرعان بۇل جەردى قورعاپ، ۇلكەن ايماققا اينالدىرۋىمىز كەرەك، قورعاۋ ايماعىنا، - دەيدى تاريحي-ولكەتانۋ مۋزەيىنىڭ عىلىمي حاتشىسى اسحات سايلاۋ.