الماتىدا پوليسەيلەر قوعام وكىلدەرىمەن، جاستار ۇيىمدارىمەن، بەلسەندىلەرمەن جانە ەرىكتىلەرمەن بىرگە "تۇرمىستىق زورلىق-زومبىلىقسىز قازاقستان" رەسپۋبليكالىق چەللەندج-فلەشموبقا قاتىستى.
ناۋقان ەستافەتاسىن سولتۇستىك قازاقستان وبلىسى بەردى، دەپ حابارلايدى aqshsamnews.kz.
باستاماعا قوسىلعان كەلەسى ءوڭىر الماتى بولدى، سودان كەيىن فلەشموب الماتى وبلىسىنداعى ارىپتەستەرگە بەرىلدى. ناۋقانعا الماتى قالالىق پوليسيا دەپارتامەنتىنىڭ باستىعى ارىستانعاني زاپپاروۆ قاتىسىپ، تۇرمىستىق زورلىق-زومبىلىقتىڭ الدىن الۋدا مەملەكەت پەن قوعامنىڭ كۇش-جىگەرىن بىرىكتىرۋدىڭ ماڭىزدىلىعىن اتاپ ءوتتى.
تۇرمىستىق زورلىق-زومبىلىقپەن كۇرەسۋ – پوليسيا مەن قوعامنىڭ ورتاق مىندەتى. بۇگىن وسى ناۋقانعا اتسالىسقانداردىڭ بارلىعىنا العىس ايتامىز. تەك بىرگە عانا زورلىق-زومبىلىقسىز قازاقستاندى قۇرا الامىز، - دەدى ارىستانعاني زاپپاروۆ
چەللەندجدىڭ نەگىزگى ماقساتى — وتباسىلىق ءال-اۋقات تاقىرىبىنا نازار اۋدارتۋ، زورلىق-زومبىلىقتىڭ كەز كەلگەن تۇرىنە جول بەرىلمەيتىنىن كورسەتۋ، كورشىلىك قارىم-قاتىناس پەن ءوزارا تۇسىنىستىك مادەنيەتىن نىعايتۋ.