2025 جىلعى قاڭتار–مامىر ارالىعىندا اۋىل شارۋاشىلىعىنىڭ جالپى ءونىم كولەمى 1،3 ترلن تەڭگەنى قۇراپ، وتكەن جىلدىڭ سايكەس كەزەڭىمەن سالىستىرعاندا 4%-عا ءوستى.
ءوسىم نەگىزىنەن مال شارۋاشىلىعى ءونىمىنىڭ 4،2%-عا ارتۋىنىڭ ەسەبىنەن قامتاماسىز ەتىلدى – 1،2 ترلن تەڭگەگە دەيىن. اتاپ ايتقاندا، سويىس سالماعىنداعى ەت ءوندىرۋ كولەمى 3،0%-عا (409،1 مىڭ تونناعا دەيىن)، سيىر ءسۇتى ءوندىرىسى 7،5%-عا (1 347،9 مىڭ تونناعا دەيىن) ارتتى، دەپ حابارلايدى aqshamnews.kz.
مال باسىنىڭ ءوسۋى بايقالدى: ءىرى قارا مال – 23،4%-عا (9،7 ملن باسقا دەيىن)، قوي مەن ەشكى – 7،8%-عا (26،3 ملن باسقا دەيىن)، جىلقى – 112،0%-عا (5،0 ملن باسقا دەيىن)، تۇيە – 8،5%-عا (321،3 مىڭ باسقا دەيىن)، قۇس – 2،2%-عا (47،7 ملن باسقا دەيىن).
وسىمدىك شارۋاشىلىعى ءونىمى 68،0 ملرد تەڭگەنى قۇرادى، فيزيكالىق كولەم يندەكسى (فكي) 100% دەڭگەيىندە ساقتالدى.
ازىق-تۇلىك ونىمدەرىن ءوندىرۋ 10،5%-عا ارتىپ، 1 496،5 ملرد تەڭگەگە جەتتى، ال سۋسىندار ءوندىرىسى 5،3%-عا ءوسىپ، 451،9 ملرد تەڭگەنى قۇرادى.
وڭىرلىك تۇرعىدا ورتاشا رەسپۋبليكالىق كورسەتكىشتەن جوعارى ءوسىم 9 وبلىستا جانە رەسپۋبليكالىق ماڭىزى بار 2 قالادا تىركەلدى: جامبىل وبلىسى – 151،3%، جەتىسۋ – 138،4%، شىمكەنت قالاسى – 123،5%، سولتۇستىك قازاقستان – 118،3%، قىزىلوردا – 116،7%، اقمولا – 113،6%، ماڭعىستاۋ – 113،4%، شىعىس قازاقستان – 111،7%، استانا قالاسى – 111،3%، الماتى وبلىسى – 110،6%، تۇركىستان وبلىسى – 110،5%.
سونداي-اق، جەكەلەگەن ازىق-تۇلىك تۇرلەرىن ءوندىرۋ كولەمى ارتتى: وسىمدىك مايى – 19،1%-عا (376،8 مىڭ تونناعا دەيىن)، شۇجىق ونىمدەرى – 11،3%-عا (31،1 مىڭ تونناعا دەيىن)، سارى ماي – 12،7%-عا (15،1 مىڭ تونناعا دەيىن)، ۇن – 6،6%-عا (1 438،3 مىڭ تونناعا دەيىن)، قىشقىل ءسۇت ونىمدەرى – 4،3%-عا (106،2 مىڭ تونناعا دەيىن).