Almaty-akshamy.kz سايتىندا جاريالانعان بۇگىنگى جاڭالىقتار – كۇن كەرۋەنى
نەكەسىز بالانىڭ سانى كوبەيمەي مە؟
ەكۇ-عا رەسمي نەكەگە تۇرماعان جۇپتار دا قاتىسا الادى. الماتىدا بيىل ەكستراكورپورالدى ۇرىقتاندىرۋ باعدارلاماسى بويىنشا 3241 كۆوتا ءبولىندى.
ءمامس اياسىندا حالىققا قولجەتىمدى بولعان قىزمەتتىڭ ءبىرى — ەكستراكورپورالدى ۇرىقتاندىرۋ نەمەسە ەكۇ پروسەدۋراسى.
«الىپپەدەن» دەمالىس...
ءبىرىنشى سىنىپتىقتار تاعى دەمالادى. قوسىمشا دەمالىس 5-11 اقپان ارالىعىندا. ءبىرىنشى سىنىپ وقۋشىلارى قوسىمشا قىسقى دەمالىستا 7 كۇن دەمالادى.
تەرروريستىك ۇيىمعا قاتىسى بولۋى مۇمكىن
وسىعان بايلانىستى 22 جاستاعى قازاقستاندىق ستامبۋلدان الماتىعا دەپورتاسيالاندى. تەرگەۋ ماتەريالدارىنا سايكەس تۇركىستان وبلىسىنىڭ تۋماسى 2020 جىلى سيرياعا كەتىپ، وندا قارۋلى توپتاردىڭ ءبىرىنىڭ مۇشەسى بولعان.
ۇقك قىلمىستىق كودەكستىڭ 257-بابىنا سايكەس تەرروريستىك ارەكەتكە قاتىسۋ فاكتىسى بويىنشا قىلمىستىق ءىستى تەرگەپ-تەكسەرۋدە.
قاستەيەۆتىڭ ءىزباسارلارى
وقۋشىلار كورمەسى «ءابىلحان قاستەيەۆتىڭ 120 جىلدىعى» حالىقارالىق بايقاۋىنىڭ اياسىندا ۇيىمداستىرىلعان.
وندا ءمۇسىن، انيماسيا جانە ساندىك-قولدانبالى ونەر تۋىندىلارى قويىلدى. قاتىسۋشىلار بالاڭ كارتينالارىن حالىق سۋرەتشىسىنىڭ ونەرىن زەردەلەپ، شىعارمالارىنان شابىت الىپ، ءار ءتۇرلى تەحنيكا قولدانۋ ارقىلى بەينەلەگەن.
سورپا «شابۋىلى»
فرانسيادا ەكى ەكو-بەلسەندى پاريجدەگى لۋۆردا قويىلعان لەوناردو دا ءۆينچيدىڭ «مونا ليزا» كارتيناسىنا سورپا قۇيعان قۇتىلاردى لاقتىردى. ايگىلى شەديەۆر وق وتكىزبەيتىن اينەكپەن قورعالعاندىقتان زارداپ شەككەن جوق.
«قايسىسى ماڭىزىراق، ونەر مە، الدە دۇرىس جانە تۇراقتى تاماقتانۋ قۇقىعى ما؟ ءبىزدىڭ اۋىلشارۋاشىلىق جۇيەمىز ناشارلاعان. ءبىزدىڭ فەرمەرلەر جۇمىستارىنان ايىرىلۋدا. ءاربىر ءۇشىنشى فرانسۋز كۇن سايىن تاماقتانبايدى»، — دەپ ايقايلادى سورپا شاشقان بەلسەندىلەر.
كابيرحان دەگەن كىم؟
كابيرحان – دۋبايدا وتكەن جارىستا ءوزىنىڭ ارتىقشىلىعىن تاعى ءبىر مارتە دالەلدەگەن، كەنتۋككيدەن ساتىپ الىنعان اسىل تۇقىمدى اراب جىلقىسى. بۇل جولى ول Longines ۇسىنعان Al Maktoum Challenge (1-توپ) جەڭىمپازى اتاندى، ياعني ونىڭ قوجايىنى تىلەك مۇقانبەتقالييەۆ 1 ميلليون دوللار كولەمىندەگى باس جۇلدەنى جەڭىپ الدى.
«ءۇش تە بولسا كۇش» دەيمىز بە؟
«كانۆونداعى» جاسوسپىرىمدەر وليمپياداسى 2 اقپاندا مارەسىنە جەتەدى. قازاقستان قورجىنىنداعى 1 التىن، 2 قولا مەدالىمەن 15-ساتىدا. ەلىمىزگە العاشقى التىندى يليا ميزەرنىح سىيلاسا، پولينا ومەلچۋك (شورت-ترەك) پەن حوككەيدەن ۇلتتىق قۇراما قولا مەدال جەڭىپ العان.
ۆيدەونىڭ دا ءوز مادەنيەتى بار...
مەيرامحاناعا، تويعا، كەز كەلگەن ءىس-شاراعا جولىڭىز ءتۇسىپ، بارساڭىز قولىنا تەلەفون ۇستاپ، ۆيدەو ءتۇسىرىپ جۇرگەندەردى كورەسىز. ۆيدەو ءتۇسىرۋدىڭ وزىندىك ەتيكاسى بارىن ءبىرىمىز بىلسەك، ءبىرىمىز بىلمەيمىز. زاڭ بويىنشا مۇنىڭ دا ەرەجەسى، تالابى، جازاسى بار.
«وسكار» الماتىدا!
قازاق مەملەكەتتىك سيركىنىڭ ەكۆيليبريسى تايسيا دەميدوۆا مونتە-كارلوداعى 46 حالىقارالىق سيرك فەستيۆالى اياسىندا وتكەن «جاڭا ۇرپاق» 11 فەستيۆالىندە «قولا يۋنيور» سىيلىعىنىڭ يەگەرى اتاندى. بۇل بايقاۋ الەمدەگى ەڭ بەدەلدىلەردىڭ ءبىرى بولىپ سانالادى جانە سيرك «وسكارى» دەپ اتالادى.
«بۇل - سيرك ونەرىندەگى ەڭ بەدەلدى ماراپاتتاردىڭ ءبىرى. ءبىز تايسيامىزعا وتە قۋانىشتىمىز جانە ونىڭ مانسابىندا ۇلكەن بيىكتەرگە جەتەتىنىنە سەنىمدىمىز. الماتى اكىمدىگى ارتىستەرىمىزدىڭ شىعارماشىلىق الەۋەتىن دامىتۋعا كوپ كوڭىل بولەدى»، - دەدى الماتى قالاسى مادەنيەت باسقارماسىنىڭ باسشىسى عاني مايلىبايەۆ.
ChatGPT قازاقتانا ما؟
عىلىم جانە جوعارى ءبىلىم ءمينيسترى ساياسات نۇربەكتىڭ ايتۋىنشا، ەلىمىزدە جاساندى ينتەللەكت كوميتەتى قۇرىلادى.
"ءبىزدىڭ ينستيتۋتتارىمىز ازىرلەگەن اۋقىمدى ءتىل مودەلى شىعادى. ول مودەلدى سۋپەركومپيۋتەردە جاتتىقتىرامىز دا، قازاقشا تۇسىنەتىن ءوزىمىزدىڭ تۇڭعىش ChatGPT پايدا بولادى. ءقازىر بۇكىل اراب ەلدەرىندە وزدەرىنىڭ ءتىل مودەلدەرىن جاساپ جاتىر. ولارعا جەڭىلدەۋ. ويتكەنى، اراب تىلىندە شىققان عىلىمي ەڭبەك، جازبا ادەبي مادەنيەت كوپ. وكىنىشكە قاراي، ءوزىمىزدى قانشا ماقتاساق تا، بىزدە ونداي مىڭداعان جىلدىق كىتاپحانالار جوق. مادەنيەتىمىز دە، وركەنيەتىمىز دە اۋىزشا. سوندىقتان مادەنيەت جانە اقپارات مينيسترلىگىمەن بىرلەسىپ بۇكىل باق-تىڭ، كينوقوردىڭ مۇراعاتى نەگىزىندە وسى باعىتتا جۇمىس ىستەپ جاتىرمىز. سونى جەڭىلدەتۋ ءۇشىن وكسفورد ۋنيۆەرسيتەتى كومەكتەستى"، – دەدى مينيستر.