جەتىسۋ اۋدانىنىڭ پوليسيا قىزمەتكەرلەرى مەن پروكۋرورلارى كامەلەتكە تولماعانداردى بالالار كولونياسىنا الىپ باردى.
ولارعا زاڭ بۇزىپ، جازاسىن وتەپ جاتقان جاس سوتتالعانداردىڭ كۇندەلىكتى ءومىرى كورسەتىلدى، دەپ حابارلايدى aqshamnews.kz Polisia.kz-كە سىلتەمە جاساپ.
– ەكسكۋرسيا پوليسيادا ەسەپتە تۇرعان جاسوسپىرىمدەرگە ۇيىمداستىرىلدى. مۇنداي شارالار قيىن جاسوسپىرىمدەردىڭ مىنەز-قۇلقىن تۇزەتۋ ءۇشىن قاجەت. نەگىزگى ماقسات – جاسوسپىرىمدەر اراسىنداعى قىلمىستىڭ الدىن الۋ. بالالارعا سوتتالعانداردىڭ قانداي جاعدايدا جازاسىن وتەيتىنى، نە ىستەي الاتىنى جانە نە ىستەي المايتىنى تۋرالى ايتىلدى. مۇنداي «ەكسكۋرسيالاردىڭ» ايتارلىقتاي پروفيلاكتيكالىق اسەرى بار ەكەنىنە سەنىمدىمىز، – دەدى جەتىسۋ اۋداندىق پوليسيا باسقارماسىنىڭ باستىعى جانىبەك شىناسيلوۆ.