قازىرگى ۋاقىتتا نىساندار تەكسەرىلىپ جاتىر
الماتىدا 23 اقپاندا التى عيماراتقا جارىلعىش زات قويىلعانى تۋرالى شۇعىل بايلانىس جەلىسىنە حابارلاما كەلىپ تۇسكەن، دەپ حابارلايدى Almaty-akshamy.kz Zakon.kz-كە سىلتەمە جاساپ.
قازىرگى ۋاقىتتا قالانىڭ شۇعىل قىزمەتتەرى جارىلعىش قۇرىلعىلار تۋرالى حابارلامالارعا قاتىستى العاشقى دەن قويۋ شارالارى اياسىندا جۇمىسقا كىرىستى.
قازىرگى ۋاقىتتا نىساندار تەكسەرىلىپ جاتىر.
الماتى پد-دا اتاپ وتكەندەي، اتالعان نىسانداردىڭ ءبىرى – قازاقستان-بريتان تەحنيكالىق ۋنيۆەرسيتەتىن تەكسەرۋ كەزىندە جارىلعىش زات قويىلعانى تۋرالى اقپارات راستالمادى.
قالعان بەس نىسان ءالى تەكسەرىلىپ جاتىر. وعان ساپەر بولىمشەلەرى مەن باسقا دا ماماندار جۇمىلدىرىلدى.
پوليسيا ازاماتتاردى جۇرگىزىلىپ جاتقان ءىس-شارالارعا تۇسىنىستىكپەن قاراۋعا جانە جاردەم كورسەتۋگە شاقىرادى.