الماتى قالاسىنىڭ قوعامدىق دەنساۋلىق ساقتاۋ باسقارماسىنىڭ مالىمەتىنشە، وقيعا ورنىنا جەدەل جاردەمنىڭ 13 بريگاداسى جىبەرىلگەن، دەپ حابارلايدى aqshamnews.kz
"بارلىعى 52 ادام، ونىڭ ىشىندە بالالار زارداپ شەككەن. بارلىق ناۋقاس قالا ستاسيونارلارىنىڭ قابىلداۋ بولىمدەرىنە جەتكىزىلىپ، تەكسەرۋدەن وتكىزىلىپ، قاجەتتى مەديسينالىق كومەك كورسەتىلدى"، – دەپ حابارلادى ۆەدومستۆو.
باسقارمانىڭ مالىمەتىنشە، تەكسەرىس ناتيجەسىندە 10 بالا اۋرۋحاناعا جاتقىزىلعان. ونىڭ ەكەۋى جانساقتاۋ بولىمىندە، قالعاندارى پروفيلدىك بولىمدەردە ەم الىپ جاتىر.
"قالعان پاسيەنتتەرگە تەكسەرۋ مەن العاشقى كومەك كورسەتىلگەننەن كەيىن تۇرعىلىقتى جەرى بويىنشا امبۋلاتورلىق ەمگە جىبەرىلدى. اۋرۋحاناعا جاتقىزىلعانداردىڭ جاعدايى دارىگەرلەر باقىلاۋىندا، بارلىعى قاجەتتى مەديسينالىق كومەكپەن قامتىلعان"، – دەدى باسپا ءسوز قىزمەتى.
جاعدايعا "جولاۋشىلار تاسىمالى" اق دا تۇسىنىك بەردى. كومپانيا پويىزدىڭ وزدەرىنە قاتىسى جوق ەكەنىن ايتتى.
"الماتى-2 ۆوكزالىنا كەلگەن پويىزداعى كومىرتەگى توتىعىمەن ۋلانۋ وقيعاسىنا بايلانىستى حابارلاماعا قاتىستى ايتا كەتسەك، ۇلتتىق تاسىمالداۋشىنىڭ بۇل وقيعاعا قاتىسى جوق. ۋلانۋ بولعان پويىز “جولاۋشىلار تاسىمالى“ اق-نا تيەسىلى ەمەس، جەكە تاسىمالداۋشىعا قارايدى. ۆاگوندار ءتۇسىرىلىم جۇرگىزۋ ءۇشىن كينوستۋدياعا بەرىلگەن"، – دەپ مالىمدەدى كومپانيا.