الماتىدا «تازا قازاقستان» رەسپۋبليكالىق باعدارلاماسى جانە «الماتى – ءبىزدىڭ ورتاق ءۇيىمىز» قالالىق ناۋقانى اياسىندا پلاستيكالىق قاقپاقتاردى جيناۋ بويىنشا اكسيانىڭ كەزەكتى سيكلى باستالدى، دەپ حابارلايدى aqshamnews.kz
اكسياعا ءار ءتۇرلى جاستاعى وقۋشىلار، سونداي-اق مەكتەپكە دەيىنگى ءبىلىم بەرۋ مەكەمەلەرىنىڭ تاربيەلەنۋشىلەرى قاتىسادى. جينالعان قاقپاقتاردى وقۋشىلار قالا اۋداندارىنداعى كەز كەلگەن كوممۋنالدىق ورتالىقتاردان نەمەسە الماتى قالاسى، ماركوۆ كوشەسى، 44 مەكەنجايىنداعى EcoNetwork ەكو - حابىنا تاپسىرا الادى.
اكسيانىڭ نەگىزگى ماقساتى-ەكولوگيا جانە پلاستيكالىق قالدىقتاردى قايتا وڭدەۋ ماسەلەلەرىنە نازار اۋدارۋ، وسكەلەڭ ۇرپاقتىڭ قورشاعان ورتانىڭ تازالىعى مەن ساقتالۋى ءۇشىن جاۋاپكەرشىلىگىن قالىپتاستىرۋ.
ايتا كەتەيىك، 2024 جىلدىڭ قاراشا ايىندا بۇل اكسيا بالالار مەن ولاردىڭ اتا-انالارى اراسىندا كەڭ تاراعان. سودان كەيىن قالانىڭ 200-دەن استام مەكتەپتەرى مەن بالاباقشالارىنىڭ وقۋشىلارىنان 1،26 ميلليوننان استام پلاستيكالىق قاقپاق جينالدى.
