الماتى اكىمى ەربولات دوسايەۆ Hyundai Trans Almaty مامانداندىرىلعان تەحنيكا شىعاراتىن زاۋىتقا بارىپ، كاسىپورىننىڭ اۋقىمدى مودەرنيزاسيالانۋىمەن تانىستى، دەپ حابارلايدى aqshamnews.kz
وندىرىستىك ۇدەرىستەگى باستى وزگەرىس 9 ۆاننا، 3 كەپتىرۋ كامەراسى، سونداي-اق كابينالاردى بوياۋ جەلىسى ورناتىلعان قازاقستانداعى العاشقى كاتافورەز-بوياۋ سەحىن سالۋ جانە پايدالانۋعا بەرۋ بولدى. سەحتىڭ اۋدانى 1 296 ش.م.، ونىمدىلىگى – ساعاتىنا 1 شاناق.
سونداي-اق، وندىرىستىك پروسەستەرگە دانەكەرلەۋ جانە بوياۋ بويىنشا قوسىمشا تەحنولوگيالىق وپەراسيالار ەنگىزىلدى، رامالىق كونسترۋكسيالاردى شىعارۋ ءۇشىن جەلىنى مونتاجداۋ جۇرگىزىلدى، بۇل دوڭگەلەك بازاسىنىڭ ءارتۇرلى ۇزىندىعى بار جۇك كولىكتەرى مەن اۆتوبۋستاردى جانە كەز كەلگەن پىشىندەگى جانە كۇردەلىلىكتەگى فۋرگونداردى شىعارۋعا مۇمكىندىك بەرەدى.
بۇگىنگى تاڭدا كاسىپورىندا شىعارىلاتىن تەحنيكانىڭ اسسورتيمەنتىنە جولاۋشىلار اۆتوبۋستارى، جۇك اۆتوموبيلدەرى، ونەركاسىپتىك جانە يزوتەرميالىق فۋرگوندار، اۆتوكراندار، مانيپۋلياتور كراندار، ۆاكۋاتورلار، قوقىس تاسيتىن ماشينالار، اۆتوسيستەرنالار، قار تازالايتىن ماشينالار، اۆتوگيدروكوتەرگىشتەر جانە ت. ب. كىرەدى.
الماتى اكىمى ەربولات دوسايەۆ كاسىپورىندارىندا قوسىلعان قۇنى جوعارى ونىمدەر شىعارىلاتىن جانە جوعارى بىلىكتى جۇمىس ورىندارى قۇرىلاتىن اۆتوموبيل كلاستەرىن قالىپتاستىرۋ جونىندەگى جۇمىستىڭ باسىمدىعىن اتاپ ءوتتى. مۇنداي جوبالار قاجەتتى مەملەكەتتىك قولداۋعا يە بولادى.
«استانا موتورس» سەو بەكنۇر نەسىپبايەۆ حابارلاعانداي، مودەرنيزاسيالاۋدىڭ ارقاسىندا كاسىپورىننىڭ وندىرىستىك الاڭدارى ءۇش ەسەگە — 7 مىڭ شارشى مەتردەن 19،4 مىڭ شارشى مەترگە دەيىن ۇلعايدى، كاسىپورىن شتاتى 300-دەن 400 قىزمەتكەرگە دەيىن كەڭەيدى، ال زاۋىتتى جاڭعىرتۋعا ينۆەستيسيالار كولەمى 12،1 ملرد تەڭگەدەن استى. 2024 جىلى كومپانيانىڭ سالىق اۋدارىمدارى 2 ملرد تەڭگەدەن استى، اعىمداعى جىلى شىعارىلاتىن تەحنيكا جەلىسى تاعى ەكى مودەل – Hyundai Mighty EX5 جانە Hyundai Porter شاعىن تونناجدى جۇك كولىكتەرىنىڭ شاعىن توراپتىق ءوندىرىسىن ىسكە قوسۋ ەسەبىنەن كەڭەيۋدە.
انىقتاما: 2025 جىلدىڭ قاڭتار-اقپان ايلارىنىڭ قورىتىندىسى بويىنشا الماتىدا 372،8 ملرد تەڭگەگە ونەركاسىپ ءونىمى ءوندىرىلدى، بۇل وتكەن جىلدىڭ دەڭگەيىمەن سالىستىرعاندا 107% – دىقۇرايدى (ق ر بويىنشا-105،9%). وڭدەۋ ونەركاسىبىندەگى ناقتى كولەم يندەكسى 108،3% - عا جەتتى (278،9 ملرد تەڭگە، جالپى كولەمنىڭ 74،8%).
اۆتوموبيل وندىرىسىندە 12،4% - عا (128،1 ملرد تەڭگە، 45،9%) ءوسىم تىركەلدى، بۇل رەتتە اقپان ايىندا 3 651 اۆتوموبيل شىعارىلدى، بۇل وتكەن جىلمەن سالىستىرعاندا 4،5% - عا ارتىق.
