2024 جىلعى 5 جەلتوقساننان 2025 جىلعى 3 قاڭتارعا دەيىن الماتى قالاسىندا پوليسيا قىزمەتكەرلەرى مەن توتەنشە جاعدايلار دەپارتامەنتىنىڭ ورتكە قارسى قىزمەت ماماندارى بىرلەسىپ «پيروتەحنيكا» رەسپۋبليكالىق جەدەل-پروفيلاكتيكالىق ءىس-شاراسىن وتكىزەدى، دەپ حابارلايدى aqshamnews.kz
ءىس-شارانىڭ ماقساتى:
- پيروتەحنيكالىق ونىمدەردىڭ زاڭسىز اينالىمىنا توسقاۋىل قويۋ؛
- ازاماتتاردىڭ قاۋىپسىزدىگىن قامتاماسىز ەتۋ.
رەيدتەردىڭ نەگىزگى باعىتتارى:
- جابايى ساۋدا ورىندارىن انىقتاۋ؛
- پيروتەحنيكالىق ونىمدەردى كامەلەتكە تولماعاندارعا ساتۋ فاكتىلەرىنىڭ الدىن الۋ؛
- بالالاردىڭ پيروتەحنيكالىق زاتتاردى قولدانۋىنا ەرەكشە نازار اۋدارۋ.
الماتى قالالىق پوليسيا دەپارتامەنتى اكىمشىلىك پوليسيا باسقارماسى باستىعىنىڭ ورىنباسارى تيمۋر سەرىكقۇل:
– ازاماتتاردى پيروتەحنيكالىق زاتتاردى پايدالانۋ كەزىندە قاۋىپسىزدىك ەرەجەلەرىن ساقتاۋعا شاقىرامىز. جازاتايىم وقيعالاردى بولدىرماۋ ءۇشىن بەلگىلەنگەن تارتىپكە باعىنۋ ماڭىزدى. ەگەر قۇقىق بۇزۋشىلىقتار تۋرالى اقپارات بولسا، دەرەۋ قۇقىق قورعاۋ ورگاندارىنا حابارلاڭىز، – دەدى.
باقىلاۋ باعىتتارى:
- جەكە جانە زاڭدى تۇلعالاردىڭ پيروتەحنيكالىق زاتتاردى ساقتاۋ، تاسىمالداۋ جانە ساتۋ ەرەجەلەرىنىڭ ساقتالۋىن قاداعالاۋ.
ەسكەرتۋ:
- پيروتەحنيكالىق ونىمدەردى ەلدى مەكەندەردە نەمەسە رۇقسات ەتىلمەگەن ورىنداردا پايدالانۋ قازاقستان رەسپۋبليكاسىنىڭ اكىمشىلىك قۇقىق بۇزۋشىلىق تۋرالى كودەكسىنىڭ (ق ر اقبك) 436-بابىنا سايكەس اكىمشىلىك جاۋاپكەرشىلىككە اكەلەدى.
- ازاماتتىق پيروتەحنيكالىق زاتتاردى ساقتاۋ، ەسەپكە الۋ، پايدالانۋ، تاسىمالداۋ نەمەسە جويۋ ءتارتىبىن بۇزعاندار ق ر اقبك-نىڭ 483-بابى بويىنشا جاۋاپقا تارتىلادى.
- زاڭسىز ساۋدالاۋ ءتارتىبىن بۇزعان ازاماتتارعا ق ر اقبك-نىڭ 196-بابىنا سايكەس شارا قولدانىلادى.
الماتى قالاسىنىڭ تۇرعىندارىن قاۋىپسىزدىك شارالارىن ساقتاۋعا جانە زاڭسىز ارەكەتتەردەن اۋلاق بولۋعا شاقىرامىز.