الماتىدا وتكەن پىكىرسايىس ءتۋرنيرى ەلىمىزدىڭ ءار وڭىرىنەن كەلگەن تالانتتى جاستاردىڭ باسىن قوستى. بۇعان دەيىن دە رەسپۋبليكا كولەمىنە تانىمال پىكىرسايىس باسەكەسى تەو CUP بيىل XIV كەزەگىن وتكىزگەن بولاتىن، دەپ حابارلايدى aqshamnews.kz
ءساۋىردىڭ 5-6 جاڭاسىندا قالامىزدا وتكەن ءىس-شارا ەل اۋماعىندا ينتەللەكتۋالدىق پىكىرتالاس پەن بىلىمگە دەگەن سۇرانىستى ارتتىردى، ال جەڭىمپازدار اقشالاي سىيلىقتار ماراپاتتالدى.
تۋرنيرگە الماتى جانە استانا قالالارىنىڭ جاستارىنان بولەك، الماتى وبىلىسىنان، تاراز، شىمكەنت، اقتوبە، قاراعاندى، اتىراۋ جانە سەمەي قالالارىنان كەلگەن پىكىرسايىسشىلار قاتىستى. تۋرنير الاڭىندا 92 كوماندا، 184 قاتىسۋشى ب ا ق سىناپ، ءوز بىلىمدەرىن، شەشەندىك شەبەرلىكتەرىن جانە سىني ويلاۋ قابىلەتتەرىن كورسەتتى.
ءىس-شارانىڭ جوعارى دەڭگەيدە وتۋىنە نارحوز ۋنيۆەرسيتەتى، QAZAQ_DEBATE ۇيىمى، شاپان نۇر، Ideal Ustaz، Keremet Food، Degusto Coffee جانە Voucher سىندى دەمەۋشىلەر اتسالىسقان. جاستاردىڭ ينتەللەكتۋالدى جارىسىنا قولداۋ كورسەتكەندەر اراسىندا «كايدزەن» باسپاسىنىڭ جەتەكشىسى عاني بايعالي ۇلى سىندى قولداۋشىلار دا بولدى.
TEO CUP XIV جەڭىمپازدارى مەن سىيلىقتار:
الفا ليگاسى جەڭىمپازدارى:
1. حان ءتاڭىرى — 300 000 تەڭگە، ۋمرا ساپارىنا 2 سەرتيفيكات
2. ماسساگەت — 200 000 تەڭگە، «شاپان نۇر» برەندىنە 20% جەڭىلدىك، «كايدزەن» كىتابى (2 دانا)
3. Old School جانە ادىلەتتى قازاقستان — 100 000 تەڭگە (ءارقايسىسى)، «شاپان نۇر» برەندىنە 10% جەڭىلدىك، «كايدزەن» كىتابى (4 دانا)
بەتتا ليگاسى جەڭىمپازدارى:
1. الاساپىران — 100 000 تەڭگە، تۇركيا ساپارىنا 2 سەرتيفيكات
2. Veni Vidi Vici — 60 000 تەڭگە، «شاپان نۇر» برەندىنە 10% جەڭىلدىك، «كايدزەن» كىتابى (2 دانا)
3. يرينا كايراتوۆنا جانە Dragonlore — 30 000 تەڭگە (ءارقايسىسى)، «شاپان نۇر» برەندىنە 10% جەڭىلدىك
جەكە نوميناسيالار:
· ەڭ ۇزدىك سپيكەر — الىبەك ساندىبەك (80 000 تەڭگە)
· ۇزدىك سپيكەر — ازامات ارىنوۆ (40 000 تەڭگە)
«ميلليون كىمگە بۇيىرادى؟» ينتەللەكتۋالدىق ويىنى
TEO CUP XIV اياسىندا ۇيىمداستىرىلعان تاعى ءبىر ەرەكشە شارا — «ميلليون كىمگە بۇيىرادى؟» اتتى ينتەللەكتۋالدىق ويىنى بولدى. قاتىسۋشىلار لوگيكا، ەرۋديسيا جانە جىلدام ويلاۋ قابىلەتتەرى بويىنشا سىنالىپ، تارتىستى ويىن ناتيجەسىندە ساپارعالي باتىرجان جەڭىمپاز اتاندى.
وعان تۇركياعا جولداما تابىستالدى. بۇل جەڭىس – ونىڭ تەرەڭ ءبىلىمى مەن زەرەكتىگىنىڭ دالەلى.