ريەۆاكسيناسيا - ەكى ۆاكسينادان سوڭ ءبىزدىڭ اعزامىزدى كوروناۆيرۋسقا قارسى ارى قاراي يممۋنيتەتتى قالىپتاستىرۋ ءۇشىن سالىنادى
بۇل تۋرالى №14 قالالىق ەمحانانىڭ جالپى پراكتيكا بولىمشەسىنىڭ مەڭگەرۋشىسى روزا بەكبايەۆا ونلاين-سۇحبات بارىسىندا ايتتى، دەپ حابارلايدى Almaty-akshamy.kz سoronavirus2020.kz-كە سىلتەمە جاساپ
دارىگەر الدىمەن ۆاكسينالاۋعا كىمدەردىڭ قارسى كورسەتىلىمى بار ەكەنىن ايتتى.
«ۆاكسينالاۋ اۋىر ونكولوگيالىق اۋرۋمەن اۋىراتىن جانە دارى-دارمەكتەرگە اۋىر اللەرگيالىق رەاكسياسى بار ادامدارعا قارسى كورسەتىلگەن. ءبىز ۆاكسينا سالماس بۇرىن وسىنىڭ ءبارىن ەسكەرەمىز. ياعني، ەڭ الدىمەن مىندەتتى تەكسەرۋ، اناليز جيناۋ، ساۋالناما جۇرگىزگەن سوڭ عانا ۆاكسينا سالامىز. ايتا كەتەيىن، اۋىر اللەرگيالىق رەاكسيا ۆاكسينالاۋدىڭ نەگىزگى قارسى كورسەتىلىمى بولىپ تابىلادى»، - دەدى ەمحانا مەڭگەرۋشىسى.
ونىڭ ايتۋىنشا، قازىرگى تاڭدا ەمحانادا Pfizer ۆاكسيناسىن سالدىرعىسى كەلەتىندەر وتە كوپ.
«ەگەر Pfizer ۆاكسيناسىنىڭ العاشقى پارتياسى بىتسە، تاعى جەتكىزىلىمى بولادى دەپ ويلايمىن. سەبەبى، قازىرگى ۋاقىتتا بۇل ۆاكسيناعا سۇرانىس جوعارى. ءتىپتى، قارت ادامدار كەلىپ Pfizer ۆاكسيناسى جايلى سۇراپ جاتادى»، - دەدى دارىگەر.
دارىگەر جاسوسپىرىمدەردى ۆاكسينالاۋدىڭ ماڭىزدىلىعى مەن ەگىلۋدەن كەيىنگى قالىپتى جاعدايلاردى ەسكە سالدى.
«جاسى 12-دەن جوعارى بالالار اۋرۋدى تاسىمالداۋشى بولۋى مۇمكىن. سەبەبى، 12-18 جاس ارالعىنداعى جاسوسپىرىمدەر ادامدار كوپ جينالاتىن ورىندارعا، مەكتەپتەرگە، ءتۇرلى ۇيىرمەلەرگە بارادى. سوندىقتان وزدەرى اۋىرماس ءۇشىن جانە اينالاسىنداعىلار دا جۇقتىرماس ءۇشىن ولاردى ۆاكسينالاۋ دۇرىس». «ەگىلۋدەن كەيىنگى قالىپتى جاعداي بولىپ، دەنە قىزۋىنىڭ كوتەرىلۋى، ازداعان ءدىرىل، مۇمكىن بۇكىل دەنەنىڭ اۋرۋى بولىپ تابىلادى. ءبىراق، بۇل بەلگىلەر ادەتتە ءۇش كۇننەن اسپايدى. ءبىزدىڭ ەمحانادا مەن ءوزىم بايقاعانداي، ۆاكسينا العان ادامداردا بۇل بەلگىلەر ەكى كۇننەن ارتىق سوزىلعان جوق جانە اۋىر اسقىنۋلار بولعان جوق»، - دەدى روزا بەكبايەۆا.
سونداي-اق، ونىڭ ايتۋىنشا، قازىرگى ۋاقىتتا ەمحاناعا جۇكتى ايەلدەر دە Pfizer ۆاكسيناسىن سالدىرۋعا كەلىپ جاتىر.
«جۇكتى ايەلدەر ۆاكسينانى 16 اپتا مەن 37 اپتا ارالىعىندا سالدىرادى. ءبىز ولاردى قاداعالايمىز. الدىمەن ۆاكسينا سالدىرماس بۇرىن ولاردىڭ ءاناليزىن جينايدى، ۆاكسينا سالدىرعان سوڭ، جارتى ساعات ەمحانادا بولادى. كەلەسى ءۇش كۇن بويى ءبىز ولارمەن تىعىز بايلانىستا بولامىز»، - دەدى دارىگەر.
روزا بەكبايەۆانىڭ ايتۋىنشا، قازىرگى تاڭدا №14 قالالىق ەمحاناسىنا 34 800 ادام تىركەلگەن. ونىڭ 15 000ء-ى بالالار، 1ء-شى جانە 2ء-شى ۆاكسينا العاندار سانى 15 283. 6 اي وتكەن سوڭ، ءۇشىنشى ۆاكسينانى – 1022 ادام العان.