پوليسەيلەر ۇيىنەن كەتىپ قالعان 9 جاسار بالانى تاپتى
الماتى قالالىق پوليسيا دەپارتامەنتىنىڭ مالىمەتىنشە، سەنبى كۇنى كەشكى ۋاقىتتا توعىز جاسار بالا اعاسىمەن ۇرىسىپ قالىپ، سىرت كيىمسىز ۇيدەن شىعىپ كەتكەن، دەپ حابارلايدى Almaty-akshamy.kz قازاقپاراتقا سىلتەمە جاساپ.
اتا-اناسى وزدەرى ىزدەپ تاپپاعان سوڭ پوليسياعا جۇگىندى. ىزدەۋگە الاتاۋ اۋداندىق پوليسيا باسقارماسى باستىعىنىڭ ورىنباسارى دانيار وماروۆتىڭ ءوزى قوسىلدى. اۋدانداعى بارلىق ۋچاسكەلىك ينسپەكتورلار اياعىنان تىك تۇرعىزىلدى، بارلىق كىرەبەرىستەر مەن جەرتولەلەر مۇقيات تەكسەرىلدى، ۇيدە قالعان ۇيالى تەلەفون دا قارالدى. بەينەباقىلاۋ جۇيەسىن تەكسەردى.
«ناتيجەسىندە ۇلىمىز تابىلدى. الماتى پوليسياسىنىڭ باسشىلىعىنا، دانيار وماروۆ پەن ونىڭ ارىپتەستەرىنىڭ كاسىبيلىگىنە ريزا بولدىم. قولاستىنداعى قىزمەتكەرلەرىڭىزدىڭ اراسىندا وسىنداي جانداردىڭ بارىنشا كوپ بولۋىن شىن جۇرەكتەن تىلەيمىز، ويتكەنى ازاماتتاردىڭ ءومىرىن ساقتاۋعا ولار داڭق ءۇشىن ەمەس، جۇرەك قالاۋىمەن بارادى»، – دەدى تابىلعان بالانىڭ اتا-اناسى.