ساناقتىڭ مەرزىمى ۇزارتىلدى

ساناق ساۋالدارىنا ارنايى sanaq.gov.kz سايتى، E-Gov پورتالى ارقىلى تىركەلىپ نەمەسە Aitu ءموبيلدى قوسىمشاسى ارقىلى جاۋاپ بەرۋگە بولادى.

ساناقتان ونلاين ءوتۋ مەرزىمى ۇزارتىلدى، دەپ حابارلايدى Almaty-akshamy.kz

بۇل تۋرالى مالىمدەگەن ۇلتتىق ستاتيستيكا بيۋروسى  باسپا ءسوز قىزمەتىنىڭ اقپاراتىنا ساي،  ونلاين ءوتۋ مۇمكىندىگى حالىق ساناعى اياقتالعانعا دەيىن قولجەتىمدى بولماق.

 «ساناقتان ونلاين ءوتۋ مۇمكىندىگى توقتاتىلعان سوڭ، ەلىمىزدىڭ بارلىق وڭىرلەرىنەن، اسىرەسە، قالالاردان ونلاين ساناق فۋنكسياسى مەرزىمىن ۇزارتۋ تۋرالى كوپتەگەن وتىنىشتەر تۇسە باستادى. وسىعان بايلانىستى sanaq.gov.kz سايتىندا ونلاين ساۋالناما فۋنكسياسىن قايتا قوسۋ تۋرالى شەشىم قابىلداندى»،– دەلىنگەن حابارلامادا.

ايتا كەتەيىك، 1 قىركۇيەك پەن 15 قازان ارالىعىندا ونلاين-ساناق فۋنكسياسىن ازاماتتاردىڭ 40 پايىزعا جۋىعى پايدالانعان. 1 قازاننان باستاپ ينتەرۆيۋەرلەر ءۇي-ۇيدى ارالاۋدى باستادى. ولار ءقازىردىڭ وزىندە 5938259 ادامعا ساۋال سالۋ جۇرگىزدى. ونلاين وتكەن رەسپوندەنتتەر كەلگەن حابارلامانى ينتەرۆيۋەرلەرگە كورسەتۋى ءتيىس. ولارعا ساۋالناما قايتا جۇرگىزىلمەيدى.